Нұр-Сұлтан, BAQ.KZ. Қазақстанның үш қаласында қолайсыз метеорологиялық жағдай қалыптасып, ауа ластанады.
"Қазгидромет" РМК-дан хабарлағандай, 22 қазанда еліміздің Қарағанды, Теміртау және Шымкент қалаларында қолайсыз метеорологиялық жағдай қалыптасады.Ал Ақтөбе, Алматы, Балқаш, Тараз, Нұр-Сұлтан, Өскеменде метеожағдай ойдағыдай болады.
Қолайсыз метеорологиялық жағдай - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауа сапасы нашарлауы ықтимал.
