Бас жаңалықтар
Бүгін

Еліміздің бірқатар өңірінде дабылды ескерту жарияланды

Астана, baq.kz. Түркістан, Қостанай мен Батыс Қазақстан облыстарында ауа райының қолайсыздығына байланысты дабылды ескерту жарияланды. Бұл туралы «Қазгидромет» РМК хабарлады.

Синоптиктердің болжамы бойынша, 12 қаңтарда Түркістан облысының кей жерінде тұман, көктайғақ, түнде солтүстік-батыстан 15-20 м/с желдің күшеюі күтіледі.

Шымкент қаласында 12 қаңтарда түнде тұман күтіледі.

Сонымен қатар, Қостанай облысының кей жерінде тұман, күндіз бұрқасын, жел оңтүстік-батыстан, оңтүстіктен 15-20 м/с күтіледі.

Қостанай қаласында күндіз бұрқасын, жел оңтүстік-батыстан, оңтүстіктен 18 м/с күтіледі.

Бұдан басқа, Батыс Қазақстан облысында кей жерде қатты жауын-шашын, тұман, бұрқасын, тұман, көктайғақ күтіледі. Оңтүстік-батыстан соққан желдің жылдамдығы 9-14 м/с, кей жерде 15-20 м/с-ке дейін күшейеді.

Орал қаласында 12 қаңтарда жел оңтүстік-батыстан 9-14, екпіні 17 м/с-ке дейін күшейеді, бұрқасын, тұман, көктайғақ күтіледі.

Дабылды ескертудің ықтималдылығы 97-99%.      

Сізден жаңалық