Бас жаңалықтар
Елімізде ауыл шаруашылығы техникасы қайта өңдеуге қабылданады
20 Қазан 2020, 11:12 191

Елімізде ауыл шаруашылығы техникасы қайта өңдеуге қабылданады

Нұр-Сұлтан, BAQ.KZ. ӨКМ Операторы істен шыққан ауыл шаруашылығы техникасын (өздігінен жүретін) қайта өңдеуге қабылдау бағдарламасын іске қосады. 

Агротехникаларды қабылдау осы жылдың 2 қарашасынан басталады. ҚР Индустрия және инфрақұрылымдық даму, Экология, геология және табиғи ресурстар министрлігінің келісімімен тозығы жеткен ауылшаруашылық техникасы жеңілдік сертификаттарына алмастырылатын болады. Жеңілдік сертификатының құны агротехниканың (өздігінен жүретін) түрі мен жиынтығына байланысты 560 мың теңгеден 2 миллион теңгеге дейін бағаланады.

Айталық комбайн тапсырғанда техниканың зауытта шыққан салмағынан 50%-дан асатын болса (толық жиынтық) 2 млн теңгеге жеңілдік сертификаты беріледі. Ал толық емес жиынтықтағы комбайндар үшін сертификат құны 1,5 млн теңге болады. Сондай-ақ толық жиынтықтағы тракторлар үшін жеңілдік сертификатының мөлшері 1 млн теңгені құрайды. Толық емес жиынтықтағы машиналар (шынжыр табанды немесе дөңгелекті) 560 мың теңгенің сертификатына қабылданады, - делінген хабарламада.

Жеңілдік сертификатын Қазақстанда құрастырылған су жаңа ауыл шаруашылығы техникасын немесе елімізде шығарылған жеңіл, жүк және жолаушылар көлігін сатып алатын кезінде пайдалануға болады.

Айта кету керек кез келген санаттағы отандық көлікті сатып алғанда жеңілдік сертификатын қолдануға және екі сертификатты біріктіруге болады. Сонымен қатар сертификатты басқа адамның атына тіркеуге (2 реттен артық емес) мүмкіндік бар.

Тозығы жеткен аграрлық техниканы қайта өңдеуге тапсыру, еліміздегі 80%-ға ескерген ауыл шаруашылығы техникасын жаңартуға мүмкіндік береді. Сонымен қатар экологиялық таза көлік құралдарын өндіруді ынталандырады және қайта өңдеудің толыққанды жүйесін құруға ықпал етеді.

Тозығы жеткен ауыл шарушылық техникасының түрі 

Жиынтық

Жеңілдік сертификатының құны

Комбайн

(зауыттан шыққандағы массасынан 50%-дан жоғары)

- кабина;

- трансмиссия (жетекші белдем, беріліс қорабы,  артқы арқалық);

- қозғалтқыш;

- корпус;

-бункер.

2 000 000 теңге (толық жиынтық)

 

Комбайн

(зауыттан шыққандағы массасынан 50%-дан кем)

 

- кабина;

- (жетекші белдем, беріліс қорабы,  артқы арқалық);

- корпус;

-бункер. 


1 500 000 теңге (толық емес жиынтық)

Трактор

(зауыттан шыққандағы массасынан 50%-дан жоғары)

- кабина;

- қозғалтқыш;

-трансмиссия (сыңар рама, беріліс қорабы, артқы белдем, егер алдыңғы белдік болған жағдайда); 

1 000 000 тенге (толық жиынтық)

 

Трактор

(зауыттан шыққандағы массасынан 50%-дан кем)

- кабина;

- трансмиссия (сыңар рама,  беріліс қорабы, артқы белдік, егер алдыңғы белдік болған жағдайда).

560 000 тенге (толық емес жиынтық)




Фото: дереккөз
Загрузка...