Бас жаңалықтар
Елімізде 332 мың жаңа жұмыс орны құрылды
22 Қазан 2019, 09:40 376

Елімізде 332 мың жаңа жұмыс орны құрылды

Нұр-Сұлтан, BAQ.KZ. Жергілікті атқарушы органдардың мәліметтері бойынша, 2019 жылдың 1 қазанына 332 мың жаңа жұмыс орны құрылды, бұл жылдық жоспардың 89% (373 мың), оның 146 мыңы ауылдық жерлерде. Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады.

"Құрылған жұмыс орындарының 214,4 мыңы – тұрақты, 117,6 мыңы – уақытша жұмыс орны. Экономикалық қызмет түрлері бойынша ең көп құрылған жұмыс орындары көтерме және бөлшек сауда саласында – 35,8 мың. 32,9 мың – құрылыс саласында, 31,2 мың – ауыл, орман және балық шаруашылықтарында. Жұмыс орындарының басым бөлігі Алматы (42,3 мың), Қарағанды (31 мың) облыстарында және Алматы қаласында (36,4 мың) құрылды. Ең аз Қызылорда (9,6 мың), Ақмола (10,3 мың) және Батыс Қазақстан (10,8 мың) облыстарында құрылған", - делінген хабарламада.
Бүгінгі таңда жұмыс орындарын құру негізінен мемлекеттік бағдарламалар, аумақтарды дамыту бағдарламалары, инвестициялық жобалар, шағын және орта бизнесті дамытуды ынталандыру жөніндегі бағдарламалары аясында жүзеге асырылатынын атап өткен жөн.

Естеріңізге сала кетейік, ҚР Еңбек және халықты әлеуметтік қорғау министрлігі жұмыс орындарын құру мониторингін жүзеге асырудың жаңа ережелерін қабылдады. Сондай-ақ, Еңбекмині "Жұмыс орындарын құрудың интеграцияланған картасы" ақпараттық жүйесін әзірледі. АЖ өңірлер бөлінісінде ауылдық елді мекендерге, мемлекеттік бағдарламаларға, шағын және орта бизнеске, жобаларға, кәсіпорындарға, экономика салаларына жиынтық нысандар мен есептілікті әзірлеу мүмкіндігімен мониторингті жүзеге асырады.



Фото: ашық дереккөз
Загрузка...