Бас жаңалықтар
Елбасы  Беларусь президентіне «Назарбаев» орденін табыс етті
28 Мамыр 2019, 20:18 385

Елбасы Беларусь президентіне «Назарбаев» орденін табыс етті

Нұр-Сұлтан, BAQ.KZ. Қазақстанның Тұңғыш Президенті Беларусь Республикасының Президенті Александр Лукашенкомен кездесті. Кездесу барысында Елбасы құрметті қонаққа «Қазақстан Республикасының Тұңғыш Президенті – Елбасы Нұрсұлтан Назарбаев» орденін табыс етті. 

Бұл туралы Қазақстан Республикасының Тұңғыш Президенті – Елбасының Баспасөз қызметі мәлімдеді. 

Нұрсұлтан Назарбаев Александр Лукашенконың интеграциялық үдерістерді дамыту және Еуразиялық экономикалық одақты құру ісіне сіңірген еңбегін ерекше атап өтті.  

«Биыл Еуразиялық экономикалық одақтың осы жерде құрылғанына 5 жыл және өзім ұсынған еуразиялық интеграция идеясының жария етілгеніне 25 жыл толып отыр. Сіз қолдау көрсетпегенде бұл ұйым құрылмас еді», – деді Нұрсұлтан Назарбаев. 

Елбасы Нұрсұлтан Назарбаев Беларусь халқына және оның көшбасшысы А. Лукашенкоға әрдайым қолдау көрсетуге дайын екенін айтты. 

«Сізге кез келген мәселе бойынша қолдау көрсетуге әрдайым дайынмын. Сіз Беларусь Республикасын жоғары деңгейде дамытып келесіз. Сізді Қазақстанның көрікті жерлерін тамашалауға шақырамын», – деді Қазақстанның Тұңғыш Президенті. 

Александр Лукашенко қонақжайлық көрсетіп, марапат тапсырғаны үшін Нұрсұлтан Назарбаевқа ризашылық білдірді. 

«Беларусь халқына құрмет көрсеткеніңіз үшін рахмет. Бұл маған ғана көрсетілген құрмет емес. Бұл – менің халқыма деген ыстық ықыласыңыз бен құрметіңіз. Қазақстанның Президенті – лайықты азамат. Сіз дана шешім қабылдадыңыз. Қазақстандықтар басқа халықтар сияқты тұрақтылықты бағалайтынына сенімдімін. Ең бастысы – еңбек. Еңбек етсең, нәтиже де болады», – деді Беларусь Республикасының Президенті.

Бұған дейін Мемлекет басшысы Қасым-Жомарт Тоқаев Қазақстан Республикасының мемлекеттік наградаларымен наградтаутуралы Қаулы қабылдағаны туралы жазған болатынбыз. Онда  «Еуразиялық интеграция идеясының 25 жылдығына және Еуразиялық экономикалық одақ туралы шартқа қол қоюдың 5 жылдығына орай, сондай-ақ Қазақстан Республикасымен ынтымақтастықты тереңдету мен кеңейтуге қосқан айрықша үлесі үшін бірнеше елдің президенті «Қазақстан Республикасының Тұңғыш Президенті - Елбасы Нұрсұлтан Назарбаев» орденімен наградталатындығы айтылған.

Загрузка...

Сізден жаңалық