Бас жаңалықтар
Экспорт. Қазақстан 8 мың тоннадан астам өнімді кері қайтарды
19 Сәуiр 2021, 18:17 365

Экспорт. Қазақстан 8 мың тоннадан астам өнімді кері қайтарды

Нұр-Сұлтан, BAQ.KZ. Қазақстан және ЕАЭО заңнамаларында белгіленген карантиндік талаптар бұзылғаны үшін 8 мың тоннадан астам өнімді экспорттаушы елдерге кері қайтарды. Бұл туралы АШМ АӨК Мемлекеттік инспекция комитеті хабарлады.

Биылғы үш айдың қортындысы бойынша елімізге әкелінген жоғарғы тәуекелдегі фитосанитариялық карантиндік өнімге қарасты тексеріс нәтижиесінде, 800-ден астам заң бұзушылық анықталған. Оның ішінде 110 факт карантиндік объектілер ретінде тіркелген болса, 500-ден астамында тиісті құжаттары сәйкес келмеген немесе мүлдем жоқ болып шыққан.

Осыған орай Қазақстан  және ЕАЭО заңнамасында белгіленген карантиндік талаптардың бұзылуына байланысты, экспорттаушы елдерге 8 мыңнан астам тонна өнім кері қайтарылды. Қайтарылуға жатқызылған өнімнің көлемі бойынша экспорттаушы елдер көшін Қытай (6022,2) мен Ресей Федерациясы (1136,2) бастап тұр. Одан бөлек Өзбекстан (439,2 тонна), Қырғызстан (307,4 тонна), Әзірбайжан (303,6 тонна), Иран (243 тонна) және Түрікменстан (212,5 тонна).

Қайтарылған өнімдердің басым көпшілігінде  қызанақтар, бұрыш және арпа өнімдері болған. Онда қызанақ жемістерінің қоңыр әжім вирусы, арамсояу, батыс гүл трипсі, Комсток құрты және тағыда басқа карантиндік объектілер анықталды.

Айта кетсек, талаптарды бұзған тарап әкімшілік жауапкершілікке тартылып, 37 млн теңгеге жуық айыппұл салынды.


Фото: ашық дереккөз
Загрузка...