Бас жаңалықтар
Донорлар банкіне тіркелгендер саны өте аз - дәрігер
15 Сәуiр 2019, 21:02 296

Донорлар банкіне тіркелгендер саны өте аз - дәрігер

Атырау, BAQ.KZ тілшісі. Қазақстан бойынша жыл сайын онкологиялық және гематологиялық диагноз бойынша 600-ге жуық бала тіркеледі.  Атырау облысында қатерлі дертке шалдыққан балалар саны 60-тан асады.

Дәрігерлердің айтуынша, кішкентайларды ажалдан аман алып қалу үшін қажет донор тапшы. Мемлекет тарапынан берілетін квотаны да ұзақ уақыт күтуге тура келетін көрінеді. Осы мәселеге орай, Атырау облыстық ауруханасында тренинг өтті. Оған облыстық денсаулық сақтау басқармасының, түрлі қоғамдық қорлардың өкілдері, онколог-гематолог мамандар мен ата-аналар қатысты. Тренинг барысында балалар арасындағы онкологиялық ауруларды ерте анықтау және олардың өмірін құтқару үшін сүйек кемігін трансплантациялау мақсатындағы қауіпсіз донор мәселесі көтеріліп, түсіндірме жұмыстары жүргізілді. 

"Өкінішке орай, елімізде донорлар банкіне тіркелгендер саны өте аз. Сол себепті, қазақстандықтарды донор болып, жақсылық жасауға шақырамыз. Көп жағдайда балаларымыз шет елге кетіп жатады. Ал, ол жақта трансплантациялау құны - өте қымбат. Квотаны күтіп, қаражат жинап шет елге кетпей-ақ, сол трансплантацияны Қазақстанда жасауға да мүмкіндік бар. Ол үшін тек донорлар банкін толтыруымыз керек",- дейді «Педиатрия және балалар хирургиясы ғылыми орталығы" директорлар кеңесінің мүшесі Эльмира Алиева.



Фото: ашық дереккөз

Сізден жаңалық