Дінмұхамед Қонаев туралы сайт ашылды

22 Тамыз 2019, 10:41
4147
Бөлісу:
Дінмұхамед Қонаев туралы сайт ашылды

Нұр-Сұлтан, BAQ.KZ. Қазақстан баспасөз клубында қоғам қайраткері, академик Дінмұхамед Қонаевтың өмірі мен қызметіне арналған сайт таныстырылды, деп жазды 7kun.kz.

Веб-ресурсқа отбасылық және мемлекеттік мұрағаттарда, Дінмұхамед Қонаев мұражайы мен қорында жинақталған материалдар енгізілген.

«Бүгінде Дінмұхамед Қонаевтың тұлғасына қоғам, жас ұрпақ тарапынан ерекше қызығушылық байқалады. Цифрлық технологиялар, әлеуметтік желілер мен лездік мессенджерлер ғасырында біз жаңаруымыз керек, сондықтан біз үлкен жұмыс жасадық және бүгін біз көпшілікке қазақ жерінің көрнекті перзенттерінің бірінің тұлғасы мен қызметі туралы сайтты ұсынып отырмыз», - деп атап өтті Д.А. Қонаев атындағы Халықаралық қордың президенті Эльдар Қонаев.

kunayev.kz сайтын Қонаевтар отбасы және оның атындағы қор іске қосқан. Ресурстың ашылуы 22 тамыз – академик қайтыс болғанына 26 жыл толуына орайластырылды. Сайтта Дінмұхамед Қонаевтың толық өмірбаяны, естеліктері, бірегей фотосуреттері, бейнелері, шежірелері, құжаттары мен баяндамалары орналастырылған. Сонымен қатар, порталда академик атындағы ескерткіштер, көшелер, мекемелер туралы ақпарат бар.

«Бір жағынан, ол туралы көп ақпарат бар, екінші жағынан – оның жеке өмірі мен мемлекеттік қызметі аз баяндалады. Осы олқылықтарды толтыру үшін біз сайт құруға шешім қабылдадық. Біз Қонаев мемлекеттік мұрағатта жұмыс істеген аймақтардың облыстық мұрағаттарынан ақпараттар жинадық. Сондай-ақ, оның сирек кездесетін суреттері бар туыстары, әсіресе балалар мен жастар, «бізге көп көмектесті», - деді «Әуезов үйі» ғылыми-мәдени орталығының жетекшісі Дінмұхамед Ахметұлының жиені Диар Қонаев.

Сайт тек орыс тілінде ғана қол жетімді болса да, әзірлеушілер жақында қазақ және ағылшын тілдерінде нұсқасы пайда болады деп уәде берді.

Өзгелердің жаңалығы