Нұр-Сұлтан, BAQ.KZ. Қазақстандық әнші Димаш Құдайберген Латын Америкасында екі концерт өткізуді жоспарлап отыр. Әнші тікелей эфир кезінде осындай жаңалықпен бөлісті, деп жазады dimashnews.com сайты бразилиялық "Extra" газетіне сілтеме жасап.
Қазақстандық жас музыкант фанаттармен тікелей эфир кезінде Бразилия туралы тілге тиек еткен. Димаштың әкесі Қанат Айтбаев та Латын Америкасында концерттің алдағы уақытта өту мүмкіндігін айтқан.Осыған дейін Латын Америкасында концерт беру жөнінде ұсыныс алдық. Алайда, коронавирус пандемиясына байланысты кейінге қалдыруға тура келді. Карантин аяқталған кезде ұйымдастырушылар бізге нақты ұсынысымен шығуы мүмкін. Біз, әрине, мұны ескереміз. Латын Америкасында концерттер беру біз үшін қызықты, – деді әншінің әкесі.Бразилиялық жанкүйерлер Димаштың келесі турына Латын Америкасы енетініне нық сенімді. Себебі, мұндағы фан-клубтың танымалдығы күн санап артып келеді. Тіпті, қазақстандық орындаушының әлемдегі фан-клубтар арасында да танымал болып үлгерген.
Аталмыш елдегі фан-клуб (DKFCB) 24 мамырда Бразилия қаласында әншінің туған күнін атап өту мақсатында кездеспек болған. Арнайы бағдарлама да жасалған екен. Мүмкіндігі шектеулі балаларды музыкаға оқыту үшін қаржы жинауды да жоспарлапты. Алайда, COVID-19 пандемиясына байланысты қайырымдылық акциясын кейінге қалдыруға тура келген.
Фан-клуб Шығыс Еуропадан әкелінген Димаштың қолтаңбасы бар заттарды сату арқылы 3.100,00 бразилия реалын (250 мың теңге) жинаған. Ол қаражат аз қамтылған отбасыларға бір тонна азық-түлік және тазалық құралдарын алуға жұмсалды.
Біз қайырымдылық акциясын Димаштың туған күні қарсаңында өткізгіміз келді. Өйткені, Димаш махаббаттың, достықтың, тілектестік білдірудің және ынтымақтастықтың белгісі іспетті. Димаш үшін бұл бағалы сыйлық болатынына сенімдіміз, – дейді бразилиялық фан-клубтың әкімшісі Татьяна Рибейро.
"DKFCB" фан-клубы 2018 жылы құрылған.
