Астана, BAQ.KZ. "Қазгидромет" РМК синоптиктері 2019 жылдың 23-25 ақпанына арналған ауа райы болжамын ұсынды.
Ресейдің еуропалық бөлігінде қатты қардың түсуіне себеп болған белсенді циклон Батыс Сібірге ығысады. Бірақ онымен байланысты атмосфералық фронттар Қазақстанның батыс және солтүстік облыстарының ауа райына әсер етеді.
Ал, республиканың оңтүстік облыстарына Каспий оңтүстігінен фронттардың ығысуынан, жексенбі және дүйсенбі күндері жауын-шашын, тұман және көктайғақ болуы мүмкін.
Қазақстанның қалған бөліктері атмосфералық қысымның жоғары болу аймағында болатындықтан, жауын-шашынның болуы екіталай.
