Бас жаңалықтар
Астананың іргесіндегі ауылдардан шыққан 100-ге жуық көлік қар құрсауында қалды
PHOTO
27 Қаңтар 2020, 12:03 216

Астананың іргесіндегі ауылдардан шыққан 100-ге жуық көлік қар құрсауында қалды

Нұр-Сұлтан, BAQ.KZ. Елорданың іргесінде жатқан Қоянды ауылынан қалаға қатынап жұмыс істейтін 100-ге тарта көліктің ішінде аяғы ауыр әйелдер мен балалар да бар.

WhatsApp Image 2020-01-27 at 10.56.53.jpeg

Бұл туралы Қоянды ауылының тұрғындары хабарлады.

Кеше 26 қаңтар сағат шамамен 17:00 кезінде Қоянды ауылынан астанаға қарай 100-ге тарта көлік бүгінгі жұмысқа бару мақсатында жолға шыққан. Бірақ қарлы боранның күрт күшеюіне байланысты, көліктер түгелдей қар құрсауында қалды. Ең өкініштісі көліктерде аяғы ауыр әйелдер мен балалар, қарттар бар. 

Қарға қамалған көліктерге түнгі сағат 3:00-ге дейін ешбір төтенше жағдайлар көмекке келген жоқ. Жолаушылар қарды қолмен қанша күрегенімен, қалың қар ырық бермей отыр. Көліктердің жанармайы таусылып, өшіп қалып жатыр. ТЖҚ, ІІҚ, iKOMEK барлығына хабарластық. "Көмек жібердік" дейді, бірақ көмекке жіберген автокөліктер жүре алмай қалғаны анық. Бұл жерге тек әскери техника ғана келе алады, - деп түсіндірді Қоянды ауылының тұрғындары.
WhatsApp Image 2020-01-27 at 10.56.52.jpeg

Қазір боран саябырсығанымен көліктердің барлығы қар астында тұр. 

WhatsApp Image 2020-01-27 at 10.56.54.jpeg

Біз қолдан келгенше жанармайы таусылып қалған көліктердің жолаушыларын өзге көлікке ауыстырып отырғыздық. Уақыт өте тапшы, себебі олардың да жанармайы таусылуға жақын, - дейді қиын жағдайға тап болған ауыл тұрғындары.

WhatsApp Image 2020-01-27 at 10.57.20 (1).jpeg
Ауыл тұрғынының айтуынша, мына адамдар жол бойындағы заправканы паналап әлі отыр.

WhatsApp Image 2020-01-27 at 10.57.20.jpeg



Фото: дереккөз
Загрузка...