Бас жаңалықтар
Былтыр ЕАЭО-ның сыртқы сауда көлемі 16,5%-ға төмендеді
08 Ақпан 2021, 12:07 245

Былтыр ЕАЭО-ның сыртқы сауда көлемі 16,5%-ға төмендеді

Нұр-Сұлтан, BAQ.KZ тілшісі. Бұл туралы Қазақстан Республикасының Сауда және интеграция вице-министрі Жанель Кушукова министрліктің кеңейтілген алқа отырысында баяндады.

Өткен 2020 жыл бәріне оңай болған жоқ. Пандемияға байланысты бірінші кезекте халықаралық сауда зардап шекті. UNCTAD мәліметтеріне сәйкес, 2020 жылдың 3 тоқсанының қорытындысы бойынша әлемдік сауда 8%-ға төмендеді, - деп атап өтті ол.

Вице-министр Кушукованың сөзінше, Еуразиялық экономикалық комиссияның бағалауы бойынша ЕАЭО-ның сыртқы сауда көлемі 2020 жылдың қорытындысы бойынша 16,5%-ға, ал ішкі сауда 11,5%-ға қысқарды.

Өткен жылы ЕАЭО органдарының алаңдарында 650-ден астам акті қабылданды. Олар классикалық төрт бостандықты, яғни тауарлар, қызметтер, капитал және жұмыс күшін қамтамасыз ету жөніндегі мақсатты іс жүзінде іске асыруға бағытталған. Еуразиялық экономикалық одақ шеңберінде өткен жылдың ең маңызды оқиғасы ЕАЭО-ның 2025 жылға дейінгі даму стратегиясының қабылдануы болды. Құжат ЕАЭО елдерінің екі жылдық бірлескен жұмысының нәтижесі, оған Еуразиялық кеңістіктің алдағы бесжылдықтағы интеграциялық процестерді дамытудың негізгі бағыттары кіреді, - дейді ол алқа отырысында.

Сонымен қатар, стратегияны дайындау кезеңінде біз ұлттық мүдделерге қайшы келетін 246 оқиғаны жоюға қол жеткіздік. Сонымен қатар, бізге қажетті мазмұндағы 106 оқиғаны қосуға мүмкіндік туды.

Қазақстанның ЕАЭО-ға қатысуы ішкі нарықтағы бәсекелестікті арттырып, отандық бизнес үшін айтарлықтай мүмкіндіктер береді. Жалпы нарық көлемінің есебінен өңдеу деңгейі жоғары және орташа тауарлар экспортының үлесі біртіндеп артып келеді. Тауар желісін дайын тауарлардың пайдасына әртараптандыру байқалады, - деп айтты вице-министр Жанель Кушукова.



Фото: ашық дереккөз
Загрузка...