Бас жаңалықтар
Айғақтарын жасырмақ болған браконьерлер көлігін өртеп жіберді
PHOTO
06 Желтоқсан 2019, 16:19 8841

Айғақтарын жасырмақ болған браконьерлер көлігін өртеп жіберді

Нұр-Сұлтан, BAQ.KZ. Автокөлік салонында киіктің атып өлтірілген екі төлі, 12 калибрлі екі мылтық, қол ара, бензин канистрі және 12 калибрлі 50 шақты патрон болған.

Ақтөбе облысы Орман шаруашылығы және жануарлар дүниесі комитетінің баспасөз қызметінің хабарлауынша, облыста киіктерді заңсыз аулаумен айналысқан браконьерлер ұсталды.

2019 жылдың 5 желтоқсанында сағат 15.45 шамасында Ақтөбе облысы Шалқар ауданы аумағында рейдтік іс-шараларды жүргізу кезінде "Охотзоопром" ӨБ" республикалық мемлекеттiк қазыналық кәсiпорнының инспекторлары Toyota Land Cruiser 100 маркалы автокөлікті байқап қалды. Автокөліктің ізіне түсу барысында күдіктілер заңсыз аңшылық айғақтарын жасыру үшін автокөлікті өртеп жіберді. Қызылорда облысының екі тұрғыны ұсталды, - деді Сәкен Ділдахмет.

Ұсталған азаматтар киік атумен айналысқандарын айтып, қылмысын мойындады. Автокөліктің ішінде киіктің атып өлтірілген екі төлі, 12 калибрлі екі мылтық, қол ара, бензин канистрі және 12 калибрлі 50 шақты патрон болған.

1575624562_1.jpg

Қазір оқиға орнында Шалқар ауданы полиция бөлімінің жедел тергеу тобы тексеріс жүргізуде. Аталмыш дерек Ақтөбе облысы ПД Шалқар аудандық полиция бөлімінде тіркелді.

 


Фото: дереккөз
Загрузка...