Бас жаңалықтар
Боливияда денсаулық сақтау министрлігі қызметкерлері мінген ұшақ апатқа ұшырады
10 Қазан 2021, 13:18 448

Боливияда денсаулық сақтау министрлігі қызметкерлері мінген ұшақ апатқа ұшырады

Нұр-Сұлтан, BAQ.KZ. Боливия Әуе-қорғаныс күштерінің ұшағы апатқа ұшырап, алты адам мерт болды. Оның бортында денсаулық сақтау министрлігі қызметкерлері болған. Бұл туралы сенбі күні ел президенті Луис Арсе мәлімдеді, деп хабарлады ҚазАқпарат.

Бізді алты адам мерт болған Пандодағы әуе апаты шошытты. Жауапты органдарға әуе апатының себебін анықтауды тапсырдық, - деп жазды мемлекет басшысы Twitter-де. 

Сондай-ақ, ол қаза тапқандардың отбасына көңіл айтты. Денсаулық сақтау министрлігінің хабарлауынша, ұшақ бортында ведомствоның және Ұлттық денсаулық сақтау зертханасы институтының төрт маманы болған. Олар денге және чикунгунья ауруымен күресуді зерттеумен айналысқан. Оқиға кезінде екі ұшқыш да қаза тапқан. 

Алдын ала мәлімет бойынша, ұшақ Риберальта қаласынан ұшқаннан кейін апатқа ұшыраған. Мамандар Кобиха қаласына жетіп, әрі қарай коммерциялық рейспен басқа елді мекенге ұшуы тиіс еді.




Фото: ашық дереккөз
Загрузка...