Бас жаңалықтар
Биыл Өскеменде 2000-ға жуық үйге қар суы қауіп төндіруі мүмкін
04 Ақпан 2019, 10:24 916

Биыл Өскеменде 2000-ға жуық үйге қар суы қауіп төндіруі мүмкін

Өскемен, BAQ.KZ тілшісі. Өскемен қаласының әкімдігі облыстық Төтенше жағдайлар департаментінің мамандарымен бірлесіп қаланың қарғын су басу қаупі жоғары аудандарын аралап қайтты.

Қарғын су қаланың 1965 тұрғынүйі мен саяжайларына қауіп төндіреді. Арнайы құрылған комиссия көктемгі қар суы қауіп төндіруі мүмкін деген Согра, ЖМК, Ахмер, Меновное ауылдары мен Бажов көшесінің бойын аралап қайтты. Бүгінгі таңда қаладағы Овечи Ключь, Маховка және Бражинский арықтарының арналары қоқыс пен қардан тазартылған.

«Жақын күнері қала құтқарушылары жыл сайын қарғын су есігінің алдына жайылатын үйлерді аралап, үй қожайындарына ақпараттық ескертулер таратады. Мердігер ұйымдардың көктемгі тасқын суды ауыздықтауға деген дайындықтары тексеріледі. Сондай-ақ, апта сайын қаланың тасқын су басу қаупі басым аумақтары жіті зерделеніп отыратын болады», - дейді Өскемен қалалық төтенше жағдайлар басқармасы азаматтық қорғаныс бөлімінің басшысы Валентин Литвиненко.

Материалдық шығынды болдырмау және төтенше жағдай кезінде қала тіршілігін қамтамасыз ету қызметінің тоқтаусыз жұмыс істеуі үшін қалалық төтенше жағдайлар басқармасында жедел штаб пен мобильді топ құрылған. Аталмыш топтар тасқын су аяқ астынан келіп қалған сәтке сақадай сай.

Бұдан бөлек, қала тұрғындарының қауіпсіздігін қамтамасыз ету мақсатында «Өрт сөндіру және апаттық құтқару жұмыстары» мемлекеттік мекемесінің мамандары тасқын су басу қаупі басым аумақтарда тәулік бойына кезекшілік құрмақ.

Азамат Темірбеков

Фото: ШҚО ТЖД 

Сізден жаңалық