Бір стақан арақ вакцинаны ағзадан шығарады деген ақпарат қаншалықты рас?

1 Шілде 2021, 18:53
14448
Бөлісу:
Бір стақан арақ вакцинаны ағзадан шығарады деген ақпарат қаншалықты рас?

Нұр-Сұлтан, BAQ.KZ. Қазақстандық вакцинацияға қарсы адамдар «мәжбүрлі» түрде екпе салдырған жағдайда препаратты арақпен немесе спиртпен шығаруды ұсынады. Олар бұл әдіспен мессенджерлердің топтық чаттарында бөлісуде.

Хабарламаның авторы 3 күн қатарынан бір стақан арақ немесе араластырылған спирт ішуге кеңес береді.

Оның айтуынша, «мида нейрондық байланыстарды синхрондау жүреді және бұл бәле несеппен шығады».

Бір стақан арақ вакцинаны ағзадан шығарады деген ақпарат қаншалықты рас?

Stopfake.kz бұл әдісті жоққа шығарды.

Алкоголь, дәлірек айтқанда этанол нейрондық байланыстарды бұзады. Оның ыдырау өнімдері несеппен, термен және дем шығарғанда ағзадан шығарылады. Бірақ вакцинаны ағзадан бұлай шығару мүмкін емес Иммундауға арналған препараттарда қолданылатын мРНҚ жасушаға еніп, спайк ақуызын (кейіннен ағза антиденелер қалыптастыратын) өндіру туралы «нұсқаулар» бергеннен кейін ыдырайды.

Алкоголь кез келген вакцинацияның тиімділігін төмендетуі мүмкін, бірақ бұл препаратты шығарып тастайтындықтан емес, ағзаға улы әсер ететіндіктен болады.
Алкогольді шамадан тыс тұтыну иммунитетті айтарлықтай төмендететінін, яғни вакцинацияның тиімділігін төмендететінін, тіпті оны мағынасыз ететінін түсінуіміз керек. Сол сияқты коронавирусқа қарсы иммунитет қалыптасқанға дейін 42 күн ішінде иммундық жүйені басатын дәрі-дәрмек қабылдамау қажет. Мұның бәрі вакцинацияның барынша тиімділігіне қол жеткізуге бағытталған стандартты ұсыныстар, – деп түсіндірді Гамалеи атындағы ғылыми орталығының директоры, Ресей Ғылым академиясының академигі Александр Гинцбург РБК-ға берген сұхбатында.

Өзгелердің жаңалығы