Бір кесек шұжық 12 млн теңгенің ұрлығын ашуға себеп болған

21 Ақпан 2020, 18:11
7844
Бөлісу:
Бір кесек шұжық 12 млн теңгенің ұрлығын ашуға себеп болған

Нұр-Сұлтан, BAQ.KZ. Қостанай облысы Оңтүстік полиция бөлімінің қызметкерлері “ізін суытпай” жеке үйден ұрланған 12 миллион теңгенің қылмысын ашты, деп хабарлайды Polisia.kz. 

Үй иелері балаларын мектепке апару үшін, жарты сағатқа шығып кеткен. Осы сәтті пайдаланып, белгісіз біреулер ас бөлменің терезесін сындырып, қомақты қаражатты ұрлаған.

66e1a9b8-11d6-45e6-82fb-17388b6d6f74.jpg

Жедел-тергеу тобы оқиға орнын тексеру барысында, ақшаның қонақ бөлмесінде сөмкенің ішінде тұрғанын және ол ақшаның үй сатып алу үшін жиналғаны анықталды. 

Қылмыс орнында полиция қызметкерлері шұжықтың бір бөлігін тапқан. Кейін анықталғандай аулада жүрген итті алаңдатпақ оймен лақтырылған бір кесек шұжықта оның штрихтік таңбасы сақталған. Ол бойынша полицейлер сатып алу орны мен уақытын анықтаған. Аталған айғақтың көмегімен тәртіп сақшылары үйінде ақша бар екенін білетін және жәбірленушімен жақсы қарым-қатынаста болған танысына шыққан, - делінген хабарламада.

Оңтүстік полиция бөлімінің жедел бастығы Серік Нұртаевтың айтуынша, күдікті өзінің үш танысымен бірлесіп, үй иелері жоқ болған уақытта үйге кіріп, қылмысты жасаған. Қылмыс жасаған барлық төрт күдікті Қостанай қаласында ұсталды. 

Олардан заттай дәлелдер мен айғақтар, яғни ақша мен сөмке табылған. Кінәсін толығымен мойындаған күдіктілер, ұрланған 12 миллион теңгенің бір бөлігін, шамамен екі миллион теңгені өз керегіне жұмсап үлгергенін жеткізді. Қазіргі таңда тергеу амалдары жалғасып жатыр, күдіктілердің басқа да осындай қылмыстарға қатысы бары тексеріліп жатыр.

Өзгелердің жаңалығы