Нұр-Сұлтан, BAQ.KZ. 2 желтоқсанда Қазақстанның бес қаласында ауа сапасы нашарлайды, деп хабарлады "Қазгидромет" РМК.
Дүйсенбіде атмосфералық ауа сапасы Қарағанды, Нұр-Сұлтан, Павлодар, Талдықорған және Өскемен қалаларында нашарлайды. Ал Ақтөбе, Ақтау, Орал, Қостанай, Қызылорда, Көкшетау, Петропавл, Тараз және Шымкентте ауаның ластануы күтілмейді, - делінген хабарламада.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елдімекендердегі атмосфералық ауаның сапасы нашарлауы ықтимал.
