Бас жаңалықтар
Белгілі «Amazon» интернет дүкеніне айыппұл салынды
01 Тамыз 2021, 15:35 255

Белгілі «Amazon» интернет дүкеніне айыппұл салынды

Нұр-Сұлтан, BAQ.KZ. «Amazon» интернет дүкеніне 746 млн еуро айыппұл салынды. 

Еуропалық құпиялылықты бақылау қызметі алпауыт интернет дүкенде жеке деректерді өңдеу ЕО-ның Деректерді қорғаудың жалпы ережелеріне сәйкес келмейтінін анықтады. 

Бұл туралы Bloomberg хабарлады.

Айыппұлды екі апта бұрын «Amazon»-ның еуропалық штаб-пәтері орналасқан Люксембург ұлттық деректерді қорғау комиссиясы салған.

Компания айыптауды жоққа шығарады және шағымданатынын мәлімдеді. 

Айта кетейік, Еуропадағы деректерді қорғауды қадағалау органдары компанияға олардың жылдық жаһандық сатылымының 4 пайызына дейін айыппұл салуға құқылы.

Айта кетейік, өткен жылдың желтоқсан айында франциялық информатика және азаматтық бостандықтар комиссиясы «Amazon»-ға пайдаланушылардың жеке ақпараты қамтылған cookie файлдарын олардың келісімінсіз пайдаланғаны үшін айыппұл салған еді. Сол кезде компанияға 35 млн еуро айыппұл салынған болатын.


Фото: ашық дереккөз
Загрузка...