Бас жаңалықтар
Бас мүфти 10 отбасыға баспана кілтін табыстады
24 Қазан 2020, 20:08 162

Бас мүфти 10 отбасыға баспана кілтін табыстады

Нұр-Сұлтан, BAQ.KZ. Қазақстан мұсылмандары діни басқармасының төрағасы, бас мүфти Наурызбай қажы Тағанұлы Талдықорған қаласында «Зекет» қорының «Ел үлесі – пәтерге» жобасы аясында бір мезетте 10 мұқтаж отбасыға пәтер кілтін табыс етті.

«Үйі жоқтың – күйі жоқ» дейді бұрынғылар. Адамның жағдайы төмендесе, иманы да әлсіреуі мүмкін. Парыздарға селқос қарай бастайды. Ал тұрмысы түзеліп, бала-шағасының ішіп-жеміне алаңдамаған адам жағдайы жақсарған сайын Аллаға жақын келеді. Садақасын, зекетін береді, қоғамға пайдасын тигізеді. Ең бастысы, ниеттің түзулігі, пейілдің кеңдігі. Мінеки, 10 бірдей мұқтаж отбасының үйлі болуына бірнеше бауырымыз үлес қосып, жақсы іске ниет еткен екен. Алла Тағала баршаңызға разы болсын! Жаңа баспаналардың іші берекеге толсын!, - деді бас мүфти.

Қуаныштары қойынына сыймаған жаңа баспана иелері мешіт имамдарына, кәсіпкерлерге алғыстарын жаудырып, ризашылығын білдірді. ҚМДБ төрағасы, Бас мүфти Наурызбай қажы Тағанұлы да он отбасының баспаналы болуына себепкер болған жаны жомарт кәсіпкерлерге ризашылығын жеткізіп, алғыс хат табыстады.


Фото: дереккөз
Загрузка...