Нұр-Сұлтан, BAQ.KZ. Таиланд астанасы Бангкокты көк түтін тұмшалады. Ауадағы зиянды заттардың мөлшері тиісті межеден асып кеткен, деп хабарлады 24.kz.
Мамандардың айтуынша, экологиялық ахуалдың нашарлауына демалыс күндері көліктің көп қатынауы себеп болған. Бұл аздай, жел соқпай, жағдай одан бетер ушығып кеткен. Осы ретте билік тыныс алу жолдары және жүрек аурулары бар тұрғындарға мүмкіндігінше сыртқа шықпауға кеңес беріп отыр.Қытай астанасы Бейжіңде ұқсас жағдай. Шаһардың кейбір аудандарында ауадағы зиянды заттардың мөлшері рұқсат етілген межеден 14 есе асып кеткен.
