Бас жаңалықтар
Әзербайжанның Қазақстанның құрылыс индустриясына қызығушылығы бар – Сұлтанов
09 Қыркүйек 2021, 16:39 103

Әзербайжанның Қазақстанның құрылыс индустриясына қызығушылығы бар – Сұлтанов

Нұр-Сұлтан, BAQ.KZ. Уәде бергенімдей, Әзербайжанға сапардың бірінші күнінің нәтижелерімен бөлісемін. Үш министрліктің - Экономика, Қорғаныс өнеркәсібі, сондай-ақ, Көлік, байланыс және жоғары технологиялар басшыларымен жұмыс кездесулерін өткіздім, деп жазды Facebook-тегі парақшасында Сауда және интеграция министрі Бақыт Сұлтанов.


Ортақ пікір - барлық әріптестеріміздің ынтымақтастықты едәүір кеңейтуге деген қызығушылығы. Біздің елдеріміздің арасындағы тауар айналымы жөніндегі деректер ынтымақтастықтың қазіргі әлеуетін пайдаланбайтынымызды айқын көрсетеді.

Әзербайжан Республикасының Экономика министрі Микаил Джаббаровпен кездесуде екіжақты тауар айналымын арттыру мүмкіндігі талқыланды. Қазақстан тез арада Әзербайжан экономикасы талап ететін: металлургия және мұнай-химия салаларында, тамақ өнеркәсібінің және т.б. тауарларды жеткізуді ұлғайтуға дайын. Әзербайжанның Қазақстанның құрылыс индустриясына, Қазақстан - Әзербайжанның тамақ өнеркәсібі мен мұнай химиясына қызығушылығы бар.

Сауда ынтымақтастығы бойынша ведомствоаралық (ҚР Сауда және экономика министрлігі) Меморандумға қол қойылды. Ол өзара тиімді және әділ негізде өзара сауданы нығайтуға ықпал ететін болады. Басқалармен қатар, саудадағы кедергілерді анықтау және оларды жою бойынша шешімдерді іздестіру бойынша ынтымақтасатын боламыз, - деп жазды ол.

Сауда инфрақұрылымын жетілдіру - біздің мүдделеріміздің тоғысатын нүктесі.

Қазақстан мен Әзербайжан арқылы өтетін көлік дәліздері - бұл транзитерлер ретінде дамыту мүмкіндігі ғана емес, сонымен қатар, оларға тауарлармен құюға жол береді. Әріптестерімізді өзіміздің шекара маңындағы сауда-логистикалық хабтарымызда (Қорғас, Орталық Азия, Алатау және т.б.) өнеркәсіптік кооперация жобаларын іске асыруға, оның ішінде Каспийде теңіз порт хабын құруға қатысуға шақырды.
Транскаспий халықаралық көлік бағдарының (ТХКБ) инфрақұрылымын жаңғырту туралы Әзербайжан Республикасының Көлік, байланыстар және жоғары технологиялар министрі Рашад Набиевпен әңгімелестім. Ақтау, Құрық және Алят (Баку порты) порттары арасындағы өзара іс-қимыл және Транскаспий сауда бағытын іске асыру бойынша бірыңғай оператор құру процестері талқыланды. Оның міндеті Азия-Еуропа бағыты бойынша және кері бағыттағы барлық транзиттеушілерді үйлестіру және барлық дәліз үшін бірыңғай тариф қалыптастыру болады. Соңғысы - мұндай тариф «жасыл шамға» айналатын және сауда логистикасын айтарлықтай жеңілдететін бизнестің өзінің өтініші, - деді Сұлтанов.

Әзербайжан Республикасының Қорғаныс өнеркәсібі министрі Мадат Гулиевпен әскери-техникалық саладағы мүмкіндіктер талқыланды.
«Қазақстан Парамаунт Инжиниринг» броньды дөңгелекті машиналарының қазақстандық өндірушісі өз өнімдеріне жеткізілімдерді ретке келтіруге және сервистік қызмет көрсетуді ұйымдастыруға дайын. Айта кету керек, бұл ЖШС – 70%-дан астам локализацияланған өнім шығаратын бірнеше компанияның бірі.

Бүгін біздің бизнесіміз сауда-экономикалық миссия барысында өзінің экспорттық мүмкіндіктерін ұсынады. Бүгін Қазақстан-Әзербайжан үкіметаралық комиссиясының отырысы өтеді, онда біз екіжақты ынтымақтастықтың маңызды мәселелері бойынша сағаттарды салыстыруымыз керек. Бүгінгі күн тек кең ауқымды нәтиже береді деп үміттенемін, - деді министр.


Фото: ашық дереккөз
Загрузка...