Бас жаңалықтар
Қазақстандықтар 2018 жылы 6 миллионнан астам ЭЦҚ рәсімдеді
11 Ақпан 2019, 19:35 628

Қазақстандықтар 2018 жылы 6 миллионнан астам ЭЦҚ рәсімдеді

Астана, BAQ.KZ тілшісі. 2018 жылы "Азаматтарға арналған үкімет" мемлекеттік корпорациясы 6 миллионнан астам электрондық цифрлық қолтаңба (ЭЦҚ) рәсімдеді. Бұл 2017 жылғы көрсеткішпен салыстырғанда 1,4 миллионға артық.

Берілген электрондық цифрлық қолтаңба санының артуы электронды үкімет порталын пайдаланушы азаматтардың көбейгенін білдіреді.

"Азаматтарға арналған үкімет" мемлекеттік корпорациясының баспасөз қызметі берген мәліметке сүйенсек, бұл ретте Халыққа қызмет көрсету орталықтарындағы өзіне-өзі қызмет көрсету секторы – Connection Point арқылы азаматтардың өз бетінше алған электронды қызметтер саны 2018 жылы 12%-ға өсіп, 12 миллионды құрады.

Мемлекеттік корпорацияның 2018 жылғы қорытынды есебіне сәйкес, 32 млн мемлекеттік қызмет көрсетілді, бұл 2017 жылмен салыстырғанда 17%-ға аз көрсеткіш. Бұл дегеніміз – мемлекеттік қызметтерді халыққа қызмет көрсету орталықтарынан емес, онлайн форматта өз бетінше алатын азаматтардың саны артқан.

Айта кетейік, 2018 жылы Алматы мен Астана қалалары, сонымен қатар Түркістан облысының тұрғындары ең көп ЭЦҚ рәсімдеген. Мәселен, алматылықтар – 803 мың, Түркістан облысындағылар – 738 мың және астаналықтар 523 мыңнан аса электрондық цифрлық қолтаңба алған. 

2018 жылы рәсімделген электронды цифрлық қолтаңба саны

(аймақтық бөліністе)

 

Аймақ

Берілген ЭЦҚ саны

1

Алматы қ.

803 090

2

Түркістан обл.

738 320

3

Астана қ.

680 329

4

Алматы обл.

523 221

5

ШҚО

357 995

6

Қарағанды обл.

340 953

7

Ақтөбе обл.

336 590

8

Қызылорда обл.

328 927

9

Жамбыл обл.

311 818

10

Ақмола обл.

306 026

11

Қостанай обл.

260 210

12

Павлодар обл.

208 076

13

Атырау обл.

203 599

14

БҚО

189 518

15

СҚО

177 732

16

Маңғыстау обл.

175 137

17

Шымкент қ.

73 319

Арайлым Алтайқызы

Сізден жаңалық