Бас жаңалықтар
Қазақстанда әскери есепке кімдер жатады
03 Маусым 2020, 17:27 259

Қазақстанда әскери есепке кімдер жатады

Нұр-Сұлтан, BAQ.KZ. ҚР қорғаныс министрінің 2020 жылғы 21 мамырдағы бұйрығымен әскери міндеттілер мен әскерге шақырылушыларды әскери есепке алу қағидаларына өзгерістер енгізілді. Әскери міндеттілерді әскери есепке алу жалпы және арнайы болып бөлінеді.

Бұйрықта көрсетілгендей, әскери есепке алуға мыналарды қоспағанда әскери міндеттілер мен әскерге шақырылушылар жатады:

- әскери-есептік мамандығы (бұдан әрі ӘЕМ) жоқ әйелдерді;

- "Әскери қызмет және әскери қызметшілердің мәртебесі туралы" заңына сәйкес әскери міндеттілікті атқарудан босатылған адамдарды;

- бас бостандығынан айыру түрінде жазасын өтеп жатқан адамдарды;

- Қазақстанда  тұрмайтын  азаматтарды қамтиды.

 Әскери есепке алудың мақсаты мемлекеттің қорғанысын және қауіпсіздігін қамтамасыз ету үшін әскерге шақырылушылар мен әскери міндеттілерді тиімді пайдалану мүдделерінде олардың бар болуын айқындау болып табылады.

Азаматтардың әскери есепте тұру ұзақтығы Заңға сәйкес айқындалады.

Жасы бойынша әскери міндеттілер мынадай есепке алу разрядына бөлінеді:

1)бірінші разрядта мыналар тұрады:
- запастағы офицерлер 50 жасқа дейінгіні қоса алғанда;
запастағы сержанттар (старшиналар), сарбаздар (матростар) 40 жасқа дейінгіні қоса алғанда;
2) екінші разрядта мыналар тұрады:
запастағы офицерлер 51-ден 60 жасқа дейінгіні қоса алғанда;
запастағы сержанттар (старшиналар), сарбаздар (матростар) 41-ден 50 жасқа дейінгіні қоса алғанда.
Әскери қызметші әйелдер әскери есепте екінші разрядта тұрады:
запастағы офицерлер 45 жасқа дейінгіні қоса алғанда;
запастағы сержанттар (старшиналар), сарбаздар (матростар) 35 жасқа дейінгіні қоса алғанда.

Старшина", "аға корабль старшинасы", "прапорщик", "мичман", "аға прапорщик", "аға мичман" әскери атақтары бар әскери қызметтен шығарылған әскери қызметшілер мен запаста тұрған азаматтар 50 жасқа дейінгі қоса алғанда, екінші разрядта әскери есепте тұрады.

Әскери міндеттілерді әскери есепке алу жалпы және арнайы болып бөлінеді.

 Жалпы әскери есепке алуда жұмылдыру кезеңіне, соғыс жағдайына және соғыс уақытына мемлекеттік органдар мен ұйымдарға броньға қойылмаған әскери міндеттілер тұрады.

Арнайы әскери есепке алуда мемлекеттік органдар мен ұйымдарға броньға қойылатын әскери міндеттілер тұрады.

Әскери міндеттілер мен әскерге шақырылушыларды әскери есепке алуды олардың тұрғылықты немесе уақытша болатын (үш айдан астам мерзімде) жері бойынша аудандардың (облыстық маңызы бар қаланың) жергілікті әскери басқару органдары жүзеге асырады. ЖӘБО жоқ елді мекендерде әскери есепке алуды ауылдардың, кенттердің, селолық округтердің әкімдері  қамтамасыз етеді.

Жергілікті атқарушы органдар (облыстардың, республикалық маңызы бар қалалардың және астананың, аудандардың, облыстық маңызы бар қалалардың) әскери есепке алуды жүргізу үшін мынадай есеппен есепке алу жұмыскерлерін бөледі.

Заңды тұлғалар оларда жұмыс істейтін (оқитын) әскери міндеттілер мен әскерге шақырылушылар болған жағдайда осы Қағидаларға сәйкес әскери есепке алуды жүргізеді. Заңды тұлғалардың әскери есепке алуды жүргізуіне жалпы басшылықты облыстардың, республикалық маңызы бар қалалардың және астананың, аудандардың, облыстық маңызы бар қалалардың ЖӘБО жүзеге асырады.

Жергілікті атқарушы органдар (облыстардың, республикалық маңызы бар қалалардың және астананың, аудандардың, облыстық маңызы бар қалалардың) әскери есепке алуды жүргізу үшін есептік қызметкерлер:

-ауданның (республикалық және облыстық маңызы бар қаланың, астананың) ЖӘБО-сын 2500 әскери міндетті мен әскерге шақырылушыға бір есепке алу жұмыскері;

 - ЖӘБО жоқ елді мекендерде 500 әскери міндетті мен әскерге шақырылушыға бір есепке алу жұмыскері.

  Әскери міндеттілерге және әскерге шақырылушыларға қажет:

- шақыру (шақыру) бойынша белгіленген уақытта және орынға ауданның (облыстық маңызы бар қаланың) ЖӘБО-ға немесе тұрғылықты жері бойынша әскери есепке алуды жүзеге асыратын өзге де органға өзімен бірге тіркеу туралы куәлігі (әскери билет), сондай-ақ ҚР азаматының жеке басын куәландыратын құжаты және жүргізуші куәлігін алып келу (ол болған жағдайда);

- Тегі, аты, әкесінің аты (ол болған кезде), отбасы жағдайы, денсаулық жағдайы (бірінші немесе екінші топтағы мүгедек деп танылған), тұратын жері, білімі, жұмыс орны мен лауазымы өзгергені туралы ауданның (облыстық маңызы бар қаланың) ЖӘБО-ға немесе әскери есепке алуды жүзеге асыратын өзге де органға жеті жұмыс күні ішінде хабарлауға;

- елді мекенге (әкімшілік ауданға) жаңа тұрғылықты жеріне немесе уақытша болатын жеріне (үш айдан астам мерзімге), сондай-ақ қызметтік іссапарларға, оқуға, демалысқа немесе емделуге (үш айдан астам мерзімге) келген кезде жеті жұмыс күні ішінде www.egov.kz әскери есепке қою үшін "Азаматтарға арналған үкімет "мемлекеттік корпорациясы" коммерциялық емес акционерлік қоғамына немесе "электрондық үкіметтің" веб-порталына (бұдан әрі-портал) немесе "электрондық үкіметтің" веб-порталына жүгіну қажет;

- әскери билет, шақыру учаскесіне тіркеу туралы куәлік жоғалған (бүлінген) жағдайда, телнұсқаны алу туралы мәселені шешу үшін жеті жұмыс күні ішінде Мемлекеттік корпорацияға немесе порталға өтініш жасау керек.

Бұйрық  ресми жарияланғанынан кейін күнтізбелік он күн өткен соң қолданысқа енгізіледі (28 мамыр).

Фото: ашық дереккөз
Загрузка...