Айтыскер Мұхтар Ниязов жаңа қызметке тағайындалды

10 Шілде 2020, 20:48
22466
Бөлісу:
Айтыскер Мұхтар Ниязов жаңа қызметке тағайындалды

Нұр-Сұлтан, BAQ.KZ. Бұл туралы Қызылорда қаласының әкімдігі хабарлады.

Қазақстан Республикасының Мәдениет және спорт министрлігінің келісімі негізінде Қызылорда қаласы әкімінің өкімімен 2020 жылғы 10 шілдеден бастап Ниязов Мұхтар Мәуленұлы қалалық мәдениет және тілдерді дамыту бөлімінің басшысы қызметіне тағайындалды, – делінген әкімдік таратқан хабарламада.

 Мұхтар Мәуленұлы 1985 жылы Қызылорда қаласында дүниеге келген.

2007 жылы Қорқыт Ата атындағы Қызылорда мемлекеттік университетін тәмамдаған.

2018 жылы Л.Н.Гумилев атындағы Еуразия ұлттық университетінің педагогика ғылымдарының магистрі.

Айтыс ақтаңгері, екі мәрте "Алтын домбыра" иегері, Қызылорда қаласының құрметті азаматы.

2009 жылдан бастап "Ақ сөйле" қоғамдық бірлестігінің төрағасы;

2014-2016 жылдары А.Тоқмағанбетов мәдениет үйінің үйірме жетекшісі;

2016-2019 жылдары "Асыл арна" телеарнасында "Сүбелі сөз" бағдарламасының жүргізуші редакторы, Қызылорда облыстық "Рухани жаңғыру" орталығында жауапты қызметтерін абыроймен атқарып келді.
Өзгелердің жаңалығы