Бас жаңалықтар
Айтыскер ақындар бастаған республикалық тур 22 қаланы қамтиды
19 Сәуiр 2019, 14:23 696

Айтыскер ақындар бастаған республикалық тур 22 қаланы қамтиды

Нұр-Сұлтан, BAQ.KZ. Бүгін Орталық коммуникациялар қызметі алаңында «Ұлы дала ән мен жыры, ақындықтың жеті қыры» атты республикалық турына арналған баспасөз-конференциясы өткізілді.

Баспасөз-конференциясына Қазақстан Республикасы Мәдениет және спорт министрі Арыстанбек Мұхамедиұлы, айтыскер-ақындар Балғынбек Имаш, Айнұр Тұрсынбаева, Сара Тоқтамысова, Жандарбек Бұлғақов қатысты.


Республикалық тур 25 сәуір Талдықорған қаласында басталып, кештер легі Семей, Павлодар, Ақтау, Қарағанды, Жаңаөзен, Петропавл, Орал, Тараз - бас-аяғы 22 қалада жалғасын табады деп жоспарлануда. 

Бұл ауқымды жобаның ең басты мақсаты - қазақ халқының арасында, қазақ жерінің түкпір-түкпірінде айтысты кеңінен бағыштау. "Ұлы даланың жеті қыры" мақаласында көрсетілген басымдықтар қазақ халқының төл өнеріне, фольклорына қатысты. Ал соның ішінде айтыс өнері ерекше орын алады. 


"Ұлы дала ән мен жыры, Ақындықтың жеті қыры" жобасының аясында айтыс өнерінің өткеніне тағзым беріліп қана қоймай, қоғамдық сананы модернизациялау барысында айтысты бүгінгі заманның келбетіне қалай икемделетіні, жаңғыруына қандай үлес қосатыны ашылады. Жиырма екі қалада орын алатын ғаламат ән мен жырдың шеруі шоу элементтерін қамтиды. Демек, жиынның, той-томалақтың деңгейінен айтыс ауқымды аудиторияның қабылдауына лайық толыққанды мәдени шара ретінде көтеріледі.


Әр қалада еліміздің белгілі ақын айтыскерлері – Балғынбек Имаш, Айнұр Тұрсынбаева, Сара Тоқтамысова, Жандарбек Бұлғаков өнерлерін көрсетеді.


Сонымен қатар Республикалық турдың аясында 1 мамыр күні Алматы қаласында, AlmatyArena мұз айдынында айтыскер ақын Балғынбек Имаш, өнер жолының жиырма бес жылдығына арналған мерекелік концерті өтеді.


Фото: дереккөз

Сізден жаңалық