Бас жаңалықтар
Түркістанда шығыстық үлгідегі автобекет ашылды
17 Тамыз 2019, 17:51 549

Түркістанда шығыстық үлгідегі автобекет ашылды

Нұр-Сұлтан, BAQ.KZ. Түркістан облысына кезекті іссапарымен келген Үкімет басшысы Асқар Мамин бастаған жұмыс тобы Түркістандағы халықаралық автобекеттің ашылу рәсіміне қатысты, деп хабарлады қалалық әкімдіктің баспасөз қызметі.

Оған ҚР Премьер-министрі Асқар Мамин, Түркістан облысының әкімі Өмірзақ Шөкеев, БАҚ өкілдері қатысты. Асқар Мамин халықаралық автобекеттің  ашылуымен құттықтап, игі лебізін білдірді. Кейіннен ҚР Премьер-министрі Асқар Мамин мен Түркістан облысының әкімі Өмірзақ Шөкеев салтанатты жағдайда лентаны қиды.

b6e9f508-f86d-4b60-8b9c-b5d36ec65999.jpg

Түркістан қаласында салынған автовокзалға тапсырыс беруші «Қасиет Транзит Сервис» ЖШС.  Мердігер мекеме – «ЮгСтройконструкция» ЖШС. Нысанның құрылысы биыл, яғни 2019 жылдың сәуір айында басталып, 2019 жылдың тамыз айында құрылыс жұмыстары аяқталып, халық игілігіне пайдалануға берілді.  Халықаралық автобекет Кентау қаласына қарасты Шаға ауылында орналасқан. Шығыс үлгісінде салынып жатқан нысанның жалпы аумағы  2,4 га құрайды. Жоспарға сай, 600 автобусқа арнайы 15 тұрақ қарастырылған.

11e1a315-133f-4363-bebf-343036abd4fb.jpg

Тәулігіне 10-мың адамға дейін қызмет көрсете алады. Еліміздің   Алматы, Нұр-Сұлтан   секілді бағыттарымен қатар, облыстың өзгеде аудан қалаларына жүргізілетін болады. Нысанның ішінде ана мен бала бөлмесі, күту залы, асхана, тынығатын орындармен қамтылған. Сондай-ақ автовокзал аумағында барлық стандартқа сай автокөлік жуу орны, техникалық қызмет көрсету орындары ашылу жоспарланып отыр.



Фото: дереккөз
Загрузка...

Сізден жаңалық