"Ауылым – алтын тұғырым" байқауының уақыты ұзартылды

30 Қаңтар 2020, 03:24
2081
Бөлісу:
"Ауылым – алтын тұғырым" байқауының уақыты ұзартылды

Нұр-Сұлтан, BAQ.KZ. "Ауыл" партиясы және "Мәдениет" порталының ұйымдастыруымен өтетін "Ауылым – алтын тұғырым" әдеби-онлайн конкурсының шығармаларды  қабылдау мерзімі қазылар алқасының шешімімен 2020 жылдың 15 наурызына дейін ұзартылды.   

Абай Құнанбайұлының 175 жылдық мерейтойына орай биылғы конкурста "Алтын тұғыр" әдеби жүлдесінің иегеріне қосымша 200 000 теңге көлемінде ақшалай сыйлық тағайындалды. 

Номинациялар бойынша жүлде қоры:  

“Ауыл тақырыбына арналған үздік проза” (эссе, әңгіме, повесть):   
  
1-орын 500 000 теңге;

2-орын 300 000 теңге;

3-орын 200 000 теңге;  

"АУЫЛ тақырыбына арналған үздік поэзия" (өлең, баллада, поэма):   

1-орын 500 000 теңге;

2-орын 300 000 теңге;

3-орын 200 000 теңге;  

"АУЫЛ тақырыбына арналған үздік драматургия":  

1-орын 500 000 теңге;

2-орын 300 000 теңге;

3-орын 200 000 теңге;  

Бас жүлде "АЛТЫН ТҰҒЫР" әдеби жүлдесі:  

Үш номинациядағы 1-орын жеңімпаздарының арасынан таңдалып алынады.  

Абай Құнанбайұлының 175 жылдық  мерейтойына орай "АЛТЫН ТҰҒЫР" әдеби жүлдесінің иегеріне қосымша 200 000 теңге көлемінде ақшалай сыйлық беріледі.  

Арнайы жүлделер:   

10 үздік қаламгерге 100 000 теңгеден арнайы жүлделер тағайындалады.  

Үміткерлер  конкурсқа ұсынатын шығармаларын auyl.kz сайтындағы "Ауылым – алтын тұғырым" сілтемесі арқылы немесе тікелей madeniportal.kz порталында онлайн түрде жариялай алады.

Техникалық ақаулар болған жағдайда +7 707 744 13 43  нөміріне хабарласуға (WhatsApp-қа жауап жазылмайды) немесе Seri_sardar@list.ru поштасына хат жолдауға болады. 

Толық ақпарат madeniportal.kz және auyl.kz сайттарында.

Өзгелердің жаңалығы