Бас жаңалықтар
Ауылдық колледждер базасында заманауи шағын кәсіпорындар құрылады
03 Қазан 2021, 15:07 612

Ауылдық колледждер базасында заманауи шағын кәсіпорындар құрылады

Нұр-Сұлтан, BAQ.KZ тілшісі. Ауылдық колледждерді дамыту бойынша бірнеше жұмыс атқарылады. Бұл туралы БҒМ депутаттық сауалға берген жауабында айтты.

БҒМ Парламент Мәжілісінің депутаты Екатерина Смышляеваның ауылдық колледждерге қатысты сауалына жауап берді.

Республикада 795 техникалық және кәсіптік білім беру ұйымы (ТжКБ) жұмыс істейді, оның ішінде 169-ы ауылдық жерлерде орналасқан. Ауылдық колледждерде кадрлар даярлау 17 мамандық және 69 біліктілік - ауыл шаруашылығы техникасына техникалық қызмет көрсету және жөндеу, агрономия, өсімдік шаруашылығы, фермер шаруашылығы, зоотехния, ветеринария және т.б. бойынша жүргізіледі, - БҒМ вице-министрі Бибігүл Асылова.

Ауылдық колледждерде 33,3 мың адам оқиды, оның ішінде 26,4 мың адам (79,3% ) мемлекеттік білім беру тапсырысы бойынша оқиды. «Жас маман» жобасына 40 ауылдық колледж енгізілді, олар материалдық – техникалық базаны 10,3 млрд теңгеден астам сомаға жақсартты. Ауылдық колледж педагогтерінің 50% (6 мың педагогтың ішінде) оқытудың жаңа білім беру технологиялары бойынша біліктілікті арттырудан өтті.

Бүгінгі күні министрлік білім беруді, оның ішінде ТжКБ дамыту тұжырымдамасын әзірледі, оған ауылдық колледждерді дамыту жөніндегі жоба енгізілді.

Осы жоба шеңберінде қандай жұмыс атқарылады:

- қолданыстағы инфрақұрылымды, оның ішінде шағын жинақталған мектептер мен колледждерді тиімді пайдалану үшін «Мектеп-колледжинтернат» кешендерін құру;

- ауылдық колледждер базасында қазіргі заманғы оқу шаруашылықтары мен шағын кәсіпорындар (егістіктер, фермалар, жылыжайлар және т. б.) құру;

- ауылдық колледждер үшін коэффициент белгілей отырып, бір студентті даярлауға арналған жан басына шаққандағы қаржыландыру нормативін қайта қарау;

- студенттер мен педагогтердің өңірлік ұтқырлығын қамтамасыз ету, колледж базасында «Жас маман» жобасының тәжірибесін өту үшін;

- кадрларды даярлау сапасын жақсарту үшін, оның ішінде колледждерге қамқорлық жасау арқылы ауыл шаруашылығы саласының мамандарын тарту;

- агроөнеркәсіптік кешенді дамытудың 2017- 2021 жылдарға арналған мемлекеттік бағдарламасы және Өңірлерді дамытудың 2020 - 2025 жылдарға арналған мемлекеттік бағдарламасы шеңберінде ауылдық колледждерге жеңілдіктер беру;

- мектептердің жоғары сынып оқушыларының жұмыс біліктілігін жедел алуы үшін, оның ішінде Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы шеңберінде ауылдық колледждер базасында оқу-өндірістік комбинаттар құру;

- ауылдық колледждерге әдістемелік және әдістемелік көмек көрсету үшін алдыңғы қатарлы колледждердің қамқорлығын қамтамасыз ету;

- жергілікті бюджет және жұмыс берушілер қаражаты есебінен қазіргі заманғы жабдықтармен жарақтандыру.

Агроөнеркәсіптік кешен үшін кадрлар даярлаудың маңыздылығын ескере отырып, министрлік осы мәселе бойынша Ауыл шаруашылығы министрлігі, «Атамекен» Ұлттық кәсіпкерлер палатасы өкілдерінің, жұмыс берушілердің, колледж басшыларының қатысуымен дөңгелек үстел өткізуді жоспарлап отыр. Аграрлық мәселелер, табиғатты пайдалану және ауылдық аумақтарды дамыту комитеті Парламент Сенатының негізгі ісшаралар жоспарына сәйкес 2021 жылғы 26 қарашада, онің ішінде ауылдық колледждер басшыларының қатысуымен, «Ауыл шаруашылығын дамытудың өзекті мәселелері мен перспективалары» тақырыбында парламенттік тыңдау өткізуді жоспарлап отыр, - деді Асылова өз жауабында.

Айтуынша, ауылдық колледждерді дамыту мәселелері тұрақты бақылауда.


Фото: ашық дереккөз
Загрузка...