Аустралия ашық чемпионатында Елена Рыбакина мен Зарина Дияс кездеседі
13 Қаңтар, 22:52 319

Аустралия ашық чемпионатында Елена Рыбакина мен Зарина Дияс кездеседі

Нұр-Сұлтан, BAQ.KZ. Жылдың алғашқы «Үлкен дулыға» турнирі – Аустралия ашық чемпионатының жеребесі тартылды.

Бұл туралы sports.kz хабарлады.

Қазақстанның бірінші, әлемнің 13-ракеткасы Елена Рыбакина алғашқы айналымда отандасы, дүниежүзілік рейтингте 108-орында тұрған Зарина Дияспен кездеседі. Әлемнің 43-ракеткасы Юлия Путинцева рейтингте 110-сатыдағы франциялық Хармони Танды сынап көреді.

Өткен жылы Ю.Путинцева төртінші, З.Дияс үшінші, Е.Рыбакина екінші айналымға дейін жеткен еді. Ерлер арасында Қазақстанның бірінші, әлемнің 35-ракеткасы Александр Бубликтің қарсыласы кейін анықталады.

Тағы үш қазақстандық теннисші іріктеу сайыстарының финалынан өтсе, А.Бубликтің қатарына қосылып қалуы мүмкін.


Фото: ашық дереккөз
Загрузка...