Бас жаңалықтар
10 ақпанға арналған ауа райы болжамы
10 Ақпан 2019, 09:24 786

10 ақпанға арналған ауа райы болжамы

Астана, BAQ.KZ. "Қазгидромет" синоптиктерінің болжамына қарағанда еліміздің басым облыстарында фронттардың өтуіне байланысты кей жерде қар жауады.

Еліміздің оңтүстігіндегі таулы аймақтарда қатты қар жауып, тек батысында ауа райы жауын-шашынсыз болады. Кей жерде республика бойынша тұман түсіп, көктайғақ, бұрқасын болады, жел күшейеді.

Алматы, Жамбыл, Түркістан облыстарының кей жерінде тұман, көктайғақ болады, жел 15-22 м/с, Жамбыл облысында түнде және таңертең желдің екпіні 23-28 м/с күшейеді.

Шығыс Қазақстан облысының кей жерінде тұман, бұрқасын болуы мүмкін, жел 15-20 м/с, екпіні 25 м/с күшейеді.

Ақмола, Қарағанды облыстарының кей жерінде бұрқасын болуы ықтимал, жел 15-20 м/с күшейеді.

Қызылорда, Маңғыстау, Батыс Қазақстан, түнде және таңертең Ақтөбе облыстарының кей жерінде тұман түседі, Қызылорда, Маңғыстау облыстарының кей жерінде – көктайғақ болады.

Солтүстік Қазақстан, Қостанай, Павлодар облыстарының кей жерінде бұрқасын болады.

 

Сізден жаңалық