Бас жаңалықтар
Атыраулықтарға шприц тегін таратылып жатыр
01 Шілде 2020, 16:07 132

Атыраулықтарға шприц тегін таратылып жатыр

Нұр-Сұлтан, BAQ.KZ. Бүгін алғашқы 500 мың медициналық құрал еріктілер мен қала маңындағы ауылдық округ әкімдіктеріне берілді.

Атырау облыстық коммуникациялар қызметінің мәліметіне қарағанда, "Brando” шприцтер фабрикасы тұрғындарға медициналық заттарды тегін тарату үшін бұрын-соңды болмаған ерекше акция ұйымдастырды.  

Компания халыққа 2 миллион 950 мың шприц таратуды жоспарлап отыр. Оның 600 мыңы облыс халқын коронавирустан жаппай вакцинациялау үшін облыстық Денсаулық сақтау басқармасына берілмек.

Ал алғашқы 500 мың шприц қалалық әкімдікте ауылдық округ әкімдері мен еріктілерге берілді. Олар шприцтерді қаланың қоғамдық орындарында, аялдамалар мен отбасылық медицина орталықтарында тұрғындарға тарататын болады.

Қайыршақты ауылдық округінде 13 мың жергілікті халық тұрады. Бүгін біз барлық ауыл тұрғынына жететін 26 000 шприц алдық. Тұрғындар бұл медициналық құралдарды отбасылық дәрігерлік амбулаториядан ала алады, - деді Қайыршақты ауылдық округінің әкімі Шапқат Қарашев. 

Шприц шығаратын зауыт өкілдерінің айтуынша, медициналық құралдар кестеге сәйкес таратылатын болады.


Фото: дереккөз
Загрузка...