Атырау облысында 43 әлеуметтік нысан салынады

20 Ақпан 2019, 21:30
1664
Бөлісу:
Атырау облысында 43 әлеуметтік нысан салынады

Астана, BAQ.KZ. Бүл туралы облыс әкімі Нұрлан Ноғаев халыққа есеп беру кездесуі барысында айтты деп мәлімдейді Өңірлік коммуникациялар қызметі.

Нұрлан Ноғаев бүгінгі халыққа есеп беру кездесуі барысында 2018 жылдың әлеуметтік-экономикалық даму қорытындылары мен болашақтағы жоспарлар туралы айтты.

Атырау облысы әкімінің айтуынша, 2019 жылы 25 білім беру нысанының құрылысы аяқталып, пайдалануға беріледі, атап айтсақ, 10 балабақша, 11 мектеп, 1 музыка мектебі, 2 жатақхана, 1 жатақханасы бар лицей.

«Денсаулық сақтау саласында жергілікті бюджет пен демеушілер есебінен үш нысанның құрылысы аяқталады, олар – Кардиология орталығына қосымша ғимарат, Құрманғазы аудандық ауруханасына 75 орынға арналған ғимарат және Қызылқоға ауданы Қарабау ауылында фельдшерлік-акушерлік бөлімше», - деді Атырау облысының әкімі Нұрлан Ноғаев.

Сонымен қатар, биыл мың жарым орындық 9 мәдениет нысаны – мәдениет үйі, кітапхана мен музей пайдалануға беріледі. Ал спорт саласында 2019 жылы алты спорт залы, мектеп пен ДСК ашылады деген жоспар бар.

Өзгелердің жаңалығы