Бас жаңалықтар
«Атырау» көпірі халықаралық сәулет байқауында үздік үштікке енді
05 Қыркүйек 2021, 01:30 75

«Атырау» көпірі халықаралық сәулет байқауында үздік үштікке енді

Нұр-Сұлтан, BAQ.KZ. Нұр-Сұлтан қаласындағы «Атырау» көпірі жобасы ArchDaily&Strelka Award халықаралық сәулет байқауының финалисі атанды. Бұл туралы Informburo.kz сайты жазды.

Жуырда архитектура туралы ArchDaily сайты мен Strelka институты бірігіп ArchDaily&Strelka Award 2021 аталымына дауыс беру басталғанын хабарлады. 1 қыркүйекте, байқаудың үш финалисі белгілі болды. Олардың ішінде астанада салынған «Атырау» көпірі бар.

Байқауға салынған мерзімі 5 жылдан аспаған жобалар қатысты. Бірінші тур нәтижесі бойынша 15 жоба байқаудың шорт-парақшасына ілінген болатын. Қазақстан атынан қатысқан жобаның авторы –  «Урбанистика орталығының» жетекшісі, урбанист, сәулетші Асхат Сәдуов.

Айта кетейік, астананың 20 жылдық мерейтойына Атырау облысы елорданың оң және сол жағалауларын жалғайтын көпір салып берді. BI Group компаниясы оның құрылысын 181 күнде аяқтады. Нысанның жалпы ұзындығы – 313,5 метр, ені – 10,5 метр.



Фото: ашық дереккөз
Загрузка...