Бас жаңалықтар
 Астанада «Әлемдік музыкалық бестселлер» концерті өтеді
12 Ақпан 2019, 21:20 452

Астанада «Әлемдік музыкалық бестселлер» концерті өтеді

Астана, BAQ.KZ. Астанадағы «Qazaqstan» орталық концерт залында «Солистер академиясы» мемлекеттік оркестрінің «Әлемдік музыкалық бестселлер» концерті өтеді.

Концертте белгілі композитор П.Чайковскийдің «Ромео мен Джульетта» увертюра-фантазиясы мен оркестр мен скрипкаға арналған №1 концерті орындалады. Чайковскийдің бұл әйгілі туындысы – композитордың шығармашылық бастамаларының бірі әрі бірегейі. Концерт бағдарламасын К.Сен-Санстың оркестр мен екі фортепианоға арналған «Жануарлар карнавалы» атты сюитасы жалғастырады. Сонымен қатар бұл кеште атақты неміс композиторы М.Брухтың оркестр мен скрипкаға арналған №1 концертін тыңдауға болады.

         Әлемдік музыкалық бестселлерді көрермендерге «Солистер академиясы» мемлекеттік оркестрінің солисі, талантты скрипкашы Шынар Барлыкова, сондай-ақ Италия елінің солистері, фортепиано дуэті Марко Скьяво мен Серджио Марчеджиани, жас скрипкашы Рикардо Замунер ұсынады. Дирижерлік тұғырда маэстро Михаил Кирхгофф өнер көрсетеді.

Сізден жаңалық