Астана опера театры алаяқтарға алданып қалмауды ескертті

31 Желтоқсан 2018, 14:25
3295
Бөлісу:
Астана опера театры алаяқтарға алданып қалмауды ескертті
Фото: Театрдың баспасөз қызметі

Интернет желісінде "Астана Опера" МОБТ спектакльдері мен концерттеріне жалған билеттер сату бойынша алаяқтықпен айналысатын сайт пайда болды.

Театрда https://astana-opera.kz/ жалған сайтынан билеттер алған елорда тұрғындары алаяқтардың құрбаны болғаны туралы хабарланды. "Астана Операның" басшылығы баршаны сақ болып, билеттерді тек театрдың http://astanaopera.kz/ ресми сайтынан сатып алуға шақырды, себебі сол билеттер ғана жарамды.

"Қазіргі уақытта орын алған жағдайды заң шеңберінде тұрақтандыруға бағытталған әрекеттер мен жалған сайттың иелерін анықтау бойынша шұғыл шаралар қабылдануда", - деп атап өтті театр дирекциясы.

Опера және балет өнеріне деген қызығушылық жыл санап артып, "Астана Опера" мемлекеттік опера және балет театрының барлық қойылымдары үлкен аншлагпен өтетіндігін айта кеткен жөн.

Өзгелердің жаңалығы