Бас жаңалықтар
Әскери қызметші кір тасын көтеруден Азия чемпионы атанды
04 Мамыр 2021, 15:51 123

Әскери қызметші кір тасын көтеруден Азия чемпионы атанды

Нұр-Сұлтан, BAQ.KZ. Қазақстан Қарулы Күштерінің әскери қызметшісі майор Әділхан Нұрғазин 85 келіден жоғары салмақ дәрежесінде кір тасын көтеру спортынан Азия чемионы атағына ие болды.

Чемпионат Ташкентте өтті. Байрақты бәсекеге Ауғанстан, Беларусь, Қазақстан, Қырғызстан, Ресей, Тәжікстан, Түрікменстан, Түркия, Украина, Оңтүстік Корея және Жапониядан келген 400-ге жуық спортшы қатысты.  

Жарыс жаттығуына 24 келіден екі кір тасын сермей және жұлқи көтеру кіреді. Әділхан Нұрғазин кір тасын 141 рет сермей және 205 рет жұлқи көтеруді орындады. Финалда үздік нәтиже көрсеткен қазақстандық спортшы жарыс қожайындарын жеңді.

Әскери қызметшінің айтуы бойынша, училищеде оқып жүргенде спортқа деген қызығушылығы оянған. Ол жерде күреспен айналысып, сымбатын жақсарту үшін кір тасын көтерумен шұғылдана бастаған. Офицердің қоржынында кір тасын көтеру спорты мен армрестлингтен көптеген жүлде бар. Сонымен қатар әскери қызметші кір тасын көтеруден бірнеше рет Қарулы Күштердің чемпионы атанып, төрт рет ТМД чемпионатында ел намысын қорғады.



Фото: ашық дереккөз
Загрузка...
// (function (d, w, c) {(w[c] = w[c] || []).push(function () {try {w.yaCounter34776245 = new Ya.Metrika({id: 34776245,clickmap: true,trackLinks: true,accurateTrackBounce: true,webvisor: true,trackHash: true});} catch (e) {}});var n = d.getElementsByTagName("script")[0],s = d.createElement("script"),f = function () {n.parentNode.insertBefore(s, n);};s.type = "text/javascript";s.async = true;s.src = "https://mc.yandex.ru/metrika/watch.js";if (w.opera == "[object Opera]") {d.addEventListener("DOMContentLoaded", f, false);}else {f();}})(document, window, "yandex_metrika_callbacks");//