Бас жаңалықтар
Қарағанды көлік прокурорлары 2 мыңнан астам теміржолшыға арнайы киім берілуіне ықпал етті
20 Ақпан 2019, 15:12 331

Қарағанды көлік прокурорлары 2 мыңнан астам теміржолшыға арнайы киім берілуіне ықпал етті

Астана, BAQ.KZ. Қарағанды көлік прокуратурасы теміржол саласының 2016 жұмысшысына қысқы арнайы киім берілуіне қол жеткізді. 

ҚР Бас көлік прокуратурасының баспасөз қызметінің мәліметінше, «ҚТЖ» АҚ-ның «Қарағанды магистральдық желі бөлімшесі» филиалы еңбек заңнамасын бұза отырып, өз қызметкерлерін 2018-2019 жылдардың қысқы маусымына арналған жылы костюмдермен, етіктермен, қолғаптармен және басқа да қысқы киіммен толық қамтамасыз етпеген.

ҚТЖ ұжымдық шартының талаптарына сәйкес теміржолшылардың қысқы киіммен жасақталуы жыл сайын 1 қазанға дейін жүзеге асырылуы тиіс.

«Прокурорлық қадағалау актісі бойынша барлық қызметкерге қысқы киім-кешектер берілді, мекеменің жауапты лауазымды тұлғасы әкімшілік жауапкершілікке тартылды», - делінген хабарламада.


Сізден жаңалық