Ақмола және Қостанай облыстарында төтенше жағдай режимі алынады
14 Қаңтар, 19:11 334

Ақмола және Қостанай облыстарында төтенше жағдай режимі алынады

Нұр-Сұлтан, BAQ.KZ. Ақмола және Қостанай облыстарында төтенше жағдай режимі аяқталды.

Бұл туралы Ақорданың ресми сайты хабарлады.

«Ақмола облысында төтенше жағдайды енгізу туралы» Қазақстан Республикасы Президентінің 2022 жылғы 5 қаңтардағы № 737 Жарлығымен енгізілген Ақмола облысының шекараларындағы төтенше жағдайдың күші 2022 жылғы 15 қаңтардағы 07 сағат 00 минуттан бастап жойылсын, – делінген Жарлықта. 

Сондай-ақ дәл осындай арнайы жарлықпен Қостанай облысында да төтенше жағдай режимі тоқтады. 

«Қостанай облысында төтенше жағдайды енгізу туралы» Қазақстан Республикасы Президентінің 2022 жылғы 5 қаңтардағы № 743 Жарлығымен енгізілген Қостанай облысының шекараларындағы төтенше жағдайдың күші 2022 жылғы 15 қаңтардағы 07 сағат 00 минуттан бастап жойылсын, – делінген Жарлықта.

Бұл жарлықтар қол қойылған күнінен бастап қолданысқа енеді.

 


Фото: ашық дереккөз
Загрузка...