«Аңсаған сәби»: Биыл бағдарлама аясында 40 сәби өмірге келді

10 Қараша 2021, 17:37
3466
Бөлісу:
«Аңсаған сәби»: Биыл бағдарлама аясында 40 сәби өмірге келді

Нұр-Сұлтан, BAQ.KZ тілшісі. Бұл туралы ҚР Президенті жанындағы Орталық коммуникациялар қызметінің алаңында өткен баспасөз мәслихаты барысында ДСМ Ана мен бала денсаулығын қорғау департаментінің директоры Мағрипа Ембергенова хабарлады. 

Оның айтуынша, аталған бағдарлама шеңберінде 6 мың емделушіге ЭКО процедурасы жасалған.

10 қарашадағы жағдай бойынша 740 процедура қолға алынды. «Аңсаған сәби» бағдарламасының шеңберінде есепте 2 мыңдай жүкті әйел тұр. 40 сәби дүниеге келді, – деді Мағрипа Ембергенова.

Сонымен қатар Әлеуметтік медициналық сақтандыру қоры медициналық ұйымдарда ЭКО қызметін ұсынады.

МӘМС шеңберінде мемлекеттік қызметті 19 емхана ұсынады. Атап айтар болсақ, олардың 3-еуі – мемлекеттік, 16-сы – жекеменшік медицина мекемесі, – деп түсіндірді ведомство басшысы.

Еске сала кетейік, бұған дейін «Аңсаған сәби» бағдарламасының аясында ЭКО процедурасына кімдер қатыса алатыны туралы жазған болатынбыз.

Өзгелердің жаңалығы