Бас жаңалықтар
Алматылық медицина ұйымдарына 72 млрд теңге төленді
20 Тамыз 2019, 21:56 229

Алматылық медицина ұйымдарына 72 млрд теңге төленді

Нұр-Сұлтан, BAQ.KZ. 2019 жылға бекітілген келісімшарттың жалпы сомасы 114 млрд теңгеден асады. Бұл туралы «Әлеуметтік медициналық сақтандыру қоры» КЕАҚ Алматы филиалының баспасөз қызметі хабарлады.

Жыл басынан бері мемлекеттік тапсырыс аясында алматылықтарға тегін қызмет көрсеткен медицина ұйымдарына 72,3 млрд теңге төленді. 

«Бұл қаражат мемлекеттік тапсырыс бойынша көрсетіліп жатқан тегін медициналық көмек үшін төленіп отыр. Сақтандыру пакеті шеңберінде қызмет көрсету 2020 жылы басталады», - деді МСҚ Алматы филиалы директоры Тілеухан Әбілдаев.

Естеріңізге сала кетсек, Медицинадық сақтандыру қоры 2018 жылдан бері мемлекеттік бюджеттен қаржыландырылатын кепілдендірілген тегін көмек пакетінің операторы болып табылады. 2020 жылдан бастап Қор міндетті әлеуметтік медициналық сақтандыру шеңберінде көрсетілетін қызметтердің ақысын төлей бастамақ.

Жалпы, Алматы қаласында 178 медицина ұйымы Медициналық сақтандыру қорымен мемлекеттік тапсырысты орындау жөнінде келісімшарт бекіткен. Оның басым бөлігі – жеке меншік клиникалар. 2019 жылға бекітілген келісімшарттың жалпы сомасы 114,6 млрд теңгені құрап отыр.


Фото: ашық дереккөз
Загрузка...

Сізден жаңалық