Бас жаңалықтар
Алматыда тауға шығатын туристерге ескерту жасалды
07 Қазан 2021, 18:19 6017

Алматыда тауға шығатын туристерге ескерту жасалды

Алматы, BAQ.KZ. Алматы қаласы ТЖ департаменті алдағы күндері ауа райы қолайсыз болатынын, әсіресе таулы жерді тұман басатынын мәлімдеді.

8-10 қазанда Алматы тауларында түнде және таңертең тұман күтіледі. Соған байланысты ТЖД тауға баратын туристерге қауіпсіздік ережелерін сақтауды ұсынады.

Ең алдымен ыңғайлы киім мен аяқ киімді таңдаңыз. Өзіңізбен бірге алып жүруге керек заттардың ішінде міндетті түрде: жылы заттар, ұялы телефонға қосымша қуат көздері, шам және от жағуға арналған құралдар болуы керек. Сондай-ақ GPS навигаторын өзіңізбен бірге алған жөн, - делінген хабарламада.

Сондай-ақ келесі кеңестерге құлақ асуға шақырды:

- Тауға шықпас бұрын ықтимал қауіптерді мұқият бағалау керек, ауа райы жағдайлары мен кедергі келтіретін жағдайларды ескеру керек;
- тұманға немесе тәуліктің қараңғы уақытына тауға шықпау керек;
- қауіпті жартасты учаскелерді тек аса қажет болған жағдайда, қауіпсіздік және сақтандыру ережелерін қатаң сақтай отырып, еңсеру керек;
- бос жатқан тастармен беткейлер мен ойықтардан өтпеңіз.
- жалғыз топтан қалып қалмай, тек топпен бірге қозғалуыңыз керек;
- қатты жаңбыр немесе бұршақ жауған кезде жабық жерге барып, жауынның тоқтауын күтіңіз.


Фото: ашық дереккөз
Загрузка...