Бас жаңалықтар
Алматыда карантин шарасын бұзғандарға 11 млн теңгеден астам айыппұл салынды
14 Ақпан 2021, 16:08 179

Алматыда карантин шарасын бұзғандарға 11 млн теңгеден астам айыппұл салынды

Алматы, BAQ.KZ. Алматыда қаңтар айында карантин шарасын бұзғандарға 11 288 790 млн теңге сомасында айыппұл салынған.

Алматы қаласында 2021 жылдың 1 қаңтарынан бастап мониторингтік топтар 4 394 нысанды тексеріп, 363 құқық бұзушылықты анықтаған. Нәтижесінде 333 хаттама жасалған, оның ішінде 77-сі заңды тұлғаларға, жалпы сомасы 26 541 285 теңге айыппұл салынды. Жеке тұлғаларға қатысты бетперде режимін бұзғандары үшін 256 хаттама, 11 288 790 теңге сомасында айыппұл салынған.

Карантин режимін өрескел бұзушылар бойынша мамандандырылған ауданаралық әкімшілік соттарға 33 материал жіберілді. Сот шешімімен 10 объектінің қызметі тоқтатылған.

Сонымен қатар Алатау ауданында «Жақсылық» кафесінде (нысанның қызметі 1 айға тоқтатылды, 100 АЕК мөлшерінде айыппұл салынды), «Кәуап орталығы» кафесінде (161 АЕК айыппұл салынды), «Шамо» ЖШС бильярд клубында (объектінің қызметі карантиндік режим аяқталғанға дейін тоқтатылды) құқық бұзушылар анықталды.

Алмалы ауданында құқық бұзушылықтар «Финик» мейрамханасында, «Fizika» түнгі клубында, «Boohouse» кафесі, «Пират» кафесі және «Endorphin» кафесінде тіркелді.

Сондай-ақ Әуезов ауданындағы «Рыба моей мечты» каракоке-бары және «Ejelgi Arman» лото-клубы.

Бостандық ауданында «Sunset» мейрамханасында, «Шмель» кафесі, «Queer» түнгі клубында карантиндік шаралар бұзылған. 

Жетісу ауданында Ниязова Ж.А. компьютерлік клубы (3 айға тоқтатылды, айыппұл 5 АЕК), «Gameclub» ойын клубы, «Ломатик» ойын залы, «SKY SPORT» компютерлік клубы, «ГринККМ» Лото клубы карантин талабын сақтамаған.  

Медеу ауданында «Виктория» бинго клубында, тағы да компьютерлік клубта (қызметін 1 айға тоқтата тұру), «Манана» мейрамханасында, «Пугасов» мейрамханасында, «Бармаглот» барында (қызметін 1 айға тоқтата тұру), «Hookan Dreems» кафе-барында, «Айлина» мейрамханасында, «Небо» барында құқық бұзушылар туралы материалдар жиналды. 

Наурызбай ауданында да карантин шаралар бұзылды: «Премьера» кафесі (қызметін 1 айға тоқтата тұру, 100 АЕК айыппұл), «Таужолы» кафесі (қызметін 1 айға тоқтата тұру, 100 АЕК айыппұл) салынды.

Түрксіб ауданында «Қазақстан Жастар Таэквон-до федерациясы» қоғамдық бірлестігі, «БекАр» ойын клубы, «Erbil» мейрамхана-қонақ үй кешдерінде бұзушылықтар тіркелген.


Фото: ашық дереккөз
Загрузка...