Алматыда қала күнін мерекелеу аясында ALMAQUEST өтеді

11 Қыркүйек 2019, 15:14
2357
Бөлісу:
Алматыда қала күнін мерекелеу аясында ALMAQUEST өтеді

Алматы, BAQ.KZ. 15 қыркүйек Қала күнін мерекелеу аясында түрлі тылсым жұмбақтар мен құпияларға толы аудандар мен көшелерде кең көлемде қалалық ALMAQUEST квест өтеді. Бұл туралы қала әкімдігі хабарлады.

ALMAQUEST - екі кезеңнен тұратын мәдени шараға ниет білдіргендердің барлығының қатысуға мүмкіндігі бар.

Alma Quest - бұл бір сценарий бойынша біріктірілген тапсырмалар тізбегі бар таңғажайып және көңілді командалық спорт ойыны. Ойынның мәні - қаладағы объектілердің шифрланған орнын мүмкіндігінше жылдам табу, барлық тапсырмаларды дұрыс орындау, ой жүйріктігі мен білімнің арқасында мәреге жету.

Тапсырмаларды орындау үшін қаланың негізгі нысандары, тарихи фактілер, мұндағы адамдар туралы қызықты мәліметтерді пайдалануға болады. Ойын онлайн режимінде өтеді. Барлық тапсырмалар ұялы телефонға түседі.

Қатысу ережелері, шараның басталуы, аяқталуы және сыйлық қоры мен сыйлықтар туралы almaquest.kz сайтынан толық ақпарат алуға болады.
Өзгелердің жаңалығы