Бас жаңалықтар
Алматыда аула аумағын үздік көгалдандыруға байқау жарияланды
04 Қыркүйек 2021, 15:51 860

Алматыда аула аумағын үздік көгалдандыруға байқау жарияланды

Нұр-Сұлтан, BAQ.KZ. Алматыда қала күніне орай «Аула аумағын үздік көгалдандыру - 2021» байқауы жарияланды. Жеңімпазға ауланы көгалдандыруға қажетті құрал-сайман, өсімдіктер сатып алуға 5 млн теңге көлемінде сертификат табысталады.

Байқау аулаларды абаттандыру және көгалдандыруға, тұрғындардың әлеуметтік белсенділігін бағалау және экологиялық ахуалды жақсарту үшін ұйымдастырылып отыр.

Байқауға тұрғындар, меншік иесі ұйымдары мен пәтер иелері кооперативтері қатыса алады. Іс-шара ауланы көгалдандыру және абаттандыру жұмыстарына қала тұрғындарының назарын аудару мақсатында ұйымдастырылған. Сонымен қатар, ұйымдастырушылардың айтуынша, қаланың жасыл желегіне көңіл бөлу мәселелеріне де мән берілуде.

Жұмыстарды бағалау кезінде олардың мәдени-эстетикалық, тәжірибелік, жаңашылдық ерекшеліктеріне назар аударылады. Байқауға қатысу үшін www.ecovid.kz сайтында тіркеуден өтіп, өтініш қалдыру қажет. Марапаттау салтанаты Қала күні – 19 қыркүйекте өтеді.


Фото: ашық дереккөз
Загрузка...