Бас жаңалықтар
Алматыда 120 мыңға жуық егде жастағы адам вакцина салдырған
04 Қазан 2021, 17:29 5782

Алматыда 120 мыңға жуық егде жастағы адам вакцина салдырған

Алматы, BAQ.KZ. Алматыда коронавирусқа қарсы вакцина салдырғандар ішінде 60 жастан асқан егде жастағылар саны 118 416 адам. Бұл туралы Алматы қаласы Қоғамдық денсаулық сақтау басқармасы хабарлады.

Басқарманың мәліметінше, 3 қазанда қалада коронавирусқа қарсы вакцинаның 1-компонентін 678 адам, 2-компонетін 1290 адам салдырған.

Жалпы жыл басынан бері вакцинаның 1-компонентін 956 925 адам, 2-компонентін 866 728 адам алды. Вакцина алғандардың жалпы санынан 60 жастан асқан қарт кісілер 118 416 адамды құрайды, - делінген хабарламада.
Бүгінгі таңда қалада медициналық ұйымдарда, мәдениет, спорт объектілерінде, базарларда және қаланың СОСО-да 160 вакцинация пункті жұмыс істейді. 237 вакцинация бригадасында 1 028 медицина қызметкері жұмылдырылған.
Сондай-ақ өткен тәулікте 429 адамнан коронавирус анықталған, оның 407 симптомдық белгілері бар және 22 симптомсыз.
Инфекциялық стационарларда 1 797 адам ем алып жатыр, оның 75-і бала. Жалпы реанимация және қарқынды терапия бөлімшесінде – 174 науқас жатыр. ӨЖЖ – 34, инвазивті емес ӨЖЖ – 89, High flow-да 41 аппарат жұмыс істейді, - делінген хабарламада.
БМСК мен Телемедицина орталығы дәрігерлерінің бақылауында 4073 науқас бар, олардың ішінде жеңіл және орташа ауырлық дәрежесінде 3916, симптомсыз 157 науқас бар.

Фото: ашық дереккөз
Загрузка...