Әлихан Смайылов қазақстандықтарды Отан қорғаушы күнімен құттықтады
7 Мамыр, 09:44 596

Әлихан Смайылов қазақстандықтарды Отан қорғаушы күнімен құттықтады

Нұр-Сұлтан, BAQ.KZ. Премьер-министр Әлихан Смайылов қазақстандықтарды Отан қорғаушы күнімен құттықтады.

Сіздерді Отан қорғаушы күнімен құттықтаймын! Бұл күні әскери қызметшілер, Қарулы Күштер ардагерлері мен Отан алдындағы қасиетті борышын өтеген барлық азаматтарға құрмет көрсетіледі. Елдің тыныштығын күзетіп, өз халқына қалтқысыз қызмет етудің жарқын үлгісін көрсетіп жүрген айбынды қорғаушыларымыздың қажырлы еңбектері мен ерлік істеріне қазақстандықтардың құрметі ерекше, - деп жазды Смайылов.

Ол елдегі бейбіт өмір мен татулықты сақтау тұрақты дамудың кепілі болып қала бермек екенін айтты.

Бүгінгі таңда еліміздің қорғаныс қабілетін нығайтып, қауіпсіздігін қамтамасыз ету – ел басшылығының ерекше назарында тұрған мемлекеттік маңызы зор міндет. Жыл сайын Қарулы Күштеріміз заман талабына сай жаңғыртылып, әскери қызметтің абырой-беделі артып келеді. Елдегі бейбіт өмір мен татулықты сақтау тұрақты дамудың кепілі болып қала бермек.  Құрметті отандастар, сіздерге шын жүректен зор денсаулық, бақытты ғұмыр, асқақ рух пен ашық аспан тілеймін!, - деді Үкімет басшысы.


Фото: дереккөз
Загрузка...