«Ақтөбе-Мақат» жолының құрылысы туралы іс: Париж соты Қазақстан пайдасына шешім шығарды
15 Қазан 2021, 16:28 1300

«Ақтөбе-Мақат» жолының құрылысы туралы іс: Париж соты Қазақстан пайдасына шешім шығарды

Нұр-Сұлтан, BAQ.KZ. Автомобиль жолдары комитетінің Ташяпы арасындағы «Ақтөбе - Мақат» жолына құрылыс жүргізу туралы келісімшарттық қатынастардан туындаған дау шешілді. Енді төрелік шешімге сәйкес Ташяпы Қазақстанның пайдасына 6,7 млрд теңге төлеу қажет.

Бұл туралы ҚР Әділет министрлігінің баспасөз қызметі хабарлады.
2021 жылдың 12 қазанында Париж қаласының соты «Tasyapi Insaat Taahhut San. ve Ticaret A.S.» (Ташяпы) компаниясының арызы бойынша істе Қазақстан Республикасының пайдасына шешім шығарды. Жәбірленуші соттан бұдан бұрын шыққан төрелік шешімнің күшін жоюды талап етті. Төрелік шешімге сәйкес Ташяпы Қазақстанның пайдасына 6,7 млрд теңге төлеу қажет. Қазақстан Республикасы Париж сотына Ташяпының талап-арызы негізсіз екенін дәлелдеді. Сонымен қатар сот Ташяпыны Қазақстанның 30 000 еуро көлемінде кеткен сот шығындарын өтеуге міндеттеді, - делінген таратылған ақпаратта.

Автомобиль жолдары комитетінің Ташяпы арасындағы «Ақтөбе - Мақат» жолына құрылыс жүргізу туралы келісімшарттық қатынастар – аталған төрелік даудың бастамасы болды. Талап-арыз сомасы 6,5 млн АҚШ долларын құраған. 2019 жылдың 3 желтоқсанында Сингапурдегі Халықаралық төрелік орталығының төрелік соты Ташяпының талап-арыздарын қабылдамай, Қазақстанның қарсы талаптарын қанағаттандырған еді. Төрелік соттың орны да Париж қаласы болған.

Осы іс бойынша мемлекеттің мүдделерін қорғауды ҚР Әділет министрлігі жүзеге асырды. Консультант ретінде «Curtis, Mallet-Prevost, Colt & Mosle LLP» заң фирмасы жалданған.  


Фото: ашық дереккөз
Загрузка...