Ақмола облысында заңсыз арақ жасайтын цех анықталды

21 Қыркүйек 2021, 22:27
2540
Бөлісу:
Ақмола облысында заңсыз арақ жасайтын цех анықталды

Нұр-Сұлтан, BAQ.KZ. Жалға алынған гаражда арақ пен коньяк өндірумен айналысқан 57 жастағы әйел ұсталды. Бұл туралы Ақмола облысы ПД УПН аға уәкілі Рәзия Курсанова мәлімдеді.

Гаражды тексеру барысында 1200 литр спирті бар 200 литрлік пластикалық бөшкелер, 90 литр спирті мен 525 литр арағы бар бес литрлік пластикалық контейнерлер, коньяк жасауға арналған бояуы бар 0,5 литр көлемдегі бір шыны бөтелке, коньяк иісіне ұқсас иісі бар қара сұйықтығы бар 0,5 литр көлемдегі бір шыны бөтелке табылып, тәркіленді, - деді Рәзия Курсанова.

Сондай-ақ алкоголь өндіру мен құюға қажетті спиртті соруға арналған сорғы, 12 вольтқа арналған электр ыдысы, спирт қалдықтары бар 200 литрлік бөшкелердің бос ыдыстары мен канистрлер табылды.

Заңсыз кәсіп бастаған әйелге қатысты ҚР ҚК 214-бабы «Заңсыз кәсіпкерлік» бойынша сотқа дейінгі іс жүргізу басталды.

Өзгелердің жаңалығы