Әбдіқалықова «СоюзМС-17» ғарыш кемесінің ұшырылуын тамашалады

14 Қазан 2020, 21:16
894
Бөлісу:
Әбдіқалықова «СоюзМС-17» ғарыш кемесінің ұшырылуын тамашалады

Нұр-Сұлтан, BAQ.KZ. Қызылорда облысының әкімі Гүлшара Әбдіқалықова жұмыс сапарымен Байқоңыр қаласына барып, «СоюзМС-17» ғарыш кемесінің ұшырылуын тамашалады.

Аймақ басшысы «Роскосмос» мемлекеттік корпорациясының бас директоры Дмитрий Рогозинмен кездесіп, ғарыш кемесін ұшыруға қатысуға шақырғаны үшін ризашылығын білдіріп, құрметін жеткізді. Сонымен бірге зымыранды ұшыруға жұмылдырылған мамандарды құттықтады.

Бүгінгі ұшырылым өте маңызды, өйткені кеме бортинженері Сергей Владимирович біздің жерлесіміз, Байқоңыр қаласының тумасы. Сондай-ақ, ғарыш кемесінің ұшырылған күні НАСА астронавты Кэтлин Рубинстің туған күніне сәйкес келді. Мен оларға мықты денсаулық, сәттілік, жұмсақ түйісу және қойылған міндеттерді ойдағыдай орындауды тілеймін. Сіздің кәсіби шеберлігіңіз бен біліктілігіңіздің арқасында бүгінгі ұшырылым сәтті аяқталғанын да атап өткім келеді. Баршаңызға денсаулық, сарқылмас қуат, барлық істеріңізге сәттілік тілеймін, өміріңіз ошақ жылуы мен отбасыңыз бен достарыңыздың сүйіспеншілігіне толы болсын, - деді облыс әкімі Гүлшара Әбдіқалықова.

Айта кетейік, «СоюзМС-17» ғарыш кемесін Ресей Федерациясының 121-ші ғарышкері Сергей Рыжиков, ғарышкер-сынақшы Сергей Владимирович пен НАСА астронавты, 339-шы АҚШ астронавты және 549-шы әлем астронавты Кэтлин Кэйт басқарады.

Ғарыш зымыранын ұшыру сәтінен кейін облыс әкімі Гүлшара Әбдіқалықова мен «Роскосмос» мемлекеттік корпорациясының бас директоры Дмитрий Рогозинмен бірақатар мәселелер жөнінде сөйлесті.

Өзгелердің жаңалығы